key; “no sara komoy mitra et walay mata ra tan nanengneng da no anto ran oloy totoonan da........”
“No sara komoy mitra etsakey ira labat a pinalsa,” kuay sakey met ed impaanges a bosis, “Natura abhorret vacuum......... "(1)
"Sikato tan lantin mapekepeket so mitra ed uld ra, ta singa ra sosupsupen!” kuay ebat na sananey.
Saraya tan arum nira so sasalitaen dad saray kon binto; loksoan mi la ran agla ikurit dia so nambabangil uin ibabaga ray arum a totoo ya akikalamitay walan agawa ed politika, metafisica, etc., ta pian agmet la nakesaway manbabasa nia. Awiten mi balet ya anggan magano labat ed abong na sakey a toon partikular, tan maniapod pigpigara met iray kabkabat mid Ibale, dia lad abong nen Kpn. Tinong, a saya may lakfn madildili tan mapaamigo ya anengneng tayon pipiliten ton bagaay Ibarra ya ondalaw tan mangogto ed abong to.
Dimad maawang tan mabmablin inkakawes a salas na abong to ed Tondo, manyoryurong si Kpn. Tinong ed sakey a sillon<2) a marmaermen tan aplos lan aplos na muling to tan tenger to. Si asawa to balet a Kpna. Tinchang mannangis tan sisirmonan tod arap da ran may duaran anak dan bibii ya wadman iran mandengdengei ed sakey a sukong a makananangis, ag oneseesel tan singa ra tataleman a belas.
“!Ay, Virgen ed Antipolo!” kuan tod maksil a bo sis to may asawan bii, “Ay Virgen del Rosario tan Vir gen de la Correa! Ay! ay! Nuestra Senora ed Novaliches!”
“ !Nanay!” kuanton may yogtan ya anak.
“Kuan ko la lantid sika!” kuan ton intuloy nen bii ya ontuturing; “Ibabagak lad sika et! !Ay, Virgen del Carmen, ay!”
"Anggapo pay imbagam ed siak!” kuanen Kpn. Ti
nong ya akisakisan nen nakpelan toy inmebat; "wawala
say ibabagam ed siak maong so pikakaarok ed kinen
Kpn. Tiago tan yaakar kon mabetbet ed abong to ta ....
ta mayaman .... insan kuan mon..........”
________
(1) Say bengat lan pinalsa kabusol toy kongaw ya anggapoy lugan to. (Labay ton ibaga nia so anggapoy utek odino mureng.)
(2) Yurongan a baleg a walay mano to.
