lan mi
ibangat mo kami pa! Salita ka kari ta sika
et nanaral kay latin insan marunong kan misangsangan......... ”
"Akina, quid quaeritis? Nihil est in intellectu quod prius non fuerit in sensu; nihil volitum quin praocognitum.(1)
Tan inyurong ton matantantan. Singa bilang saramay salitad latin et walay pakayari ran mamareen na kalakal, tinmonday pannangis da ran may sanasawa, tan sininggeran dan singa ra manbitbitin ed bibil to ya manaalagar na simbawa to, ed kaolibay da ran may griegos<2) nen onan panaon ed pantatalaran dad pangibalikas na talintao ya manangibangat ed sikara tan manangipasakbay na arapen, na salita ran mangilaban ed sikara ed saray persas (3) ya onloloob ed bansa ra tan mamabakal ed sikara.
“Antoy nanangisan yo ey? ?Ubinam gentium sumus? (4)
“Nangelan mo lay balitan nipaakar ed inalsa ra. . .”
“?Alzamentum Ibarrae ab alferesio Guardiae civilis destructum? Et nunc?(5) Anto kono ey? Wala tay utang nen D. Crisostomo ed sikayo?”
“Anggapo, balet ta amtam la, si Tinong binagaan to dian mangan, imbano tod man ed Puente de Espa na. (G> ya agew nimet, ed arap na amin a too! Ibaga ra natan a kaaro to!”
“Kaaro to?” kuan ton nikelawan imay manalsalitay latin, ya inmalagey; 'amice, amicus Plato sed magis
amica veritas.(7) Ibagam no siopay ibam ta ibagak no
siopa ka! Malum est negotium et est timendum rerum
istarum horrendissimum resultatum! Hmm!(8)
Makapataktakut so impesiaw na lupa nen Kpn.
Tinong nen nangel toy onman lan karakel na salita ran
_______
(1) Antoy tetepeten yo? Anggapoy onsabid tudioy kanunotan ya agni onlabas ya onona ed saray liknaan. Ag nayarin takpanen so ag kabat.
(2) Totoo ed bansa na Greets.
(3) Totoo ed bansa na Persia.
(4) Iner so kawalaan tayo — siopa ran totooy niutelan tayo?
(5) Say inalsa nen Ibarra asebseban nen alferez? Eh .... natan, anto ey?
(6) Jones Bridge natan.
(7) Kaaro, si Platon kaarok, balet ta lalon kaarok ni katuaan.
(8) Manges so nigosio tan mapagaak a makapataktakut so kasumpalan to.
