nansampot ed um. Sayan tanol singa mangipapasakbay
na makapoy. Si asawa to impandakop to ray lima to
tan mikakasin nankuan:
“Insan, agmo kami la kari sasalitaay latin natan, ta amtam lan aliwa kamin makabat a singa sika; ibagam lad tagalog odino kastila, balet ta ibangat mo kamid maong a gaween mi.”
“Agay met lan agyo natalusay latin, insan, ta saray katuaan ed salitay latin et manmaliw iran tila no ibaga ra ed salitay tagalog. Alimbawa, say contra principia negantem fustibus est arguendum,(1) diad latin sakey a katuaan a singa Area nen Noe;(2) balet ta nen ginawak yan aminsan ed tagalog, siak so abakbak. Kaniantin kawaen lay agyo pakaamtay latin, ta no amta yo labat komon, diad latin nauksoy ya amin.”
“Dakel met so amta min oremus, parcenobis tan Agnus Dei Catolis(3) balet ta ag itayo makapantatalusan natan. Ibangat moy Tinong na ibaga to ta piano agda ibitay!"
“Makapoy so ginawam, talagan makapoy so ginawam, insan, ed impikaarom ed satan a tubonbalo!” kuay
ebat nen managlatin. “Saray maptek a panagbilay ibayaran da ray makasalanan. Ngalngali ta ka lan simbawaen a manggaway testamento(4).....! Vae illis. Ubi
'est fumus ibi est ignis! Similis simili gaudet; atqui Ibar'ra ahorcatur, ergo ahorcaberis. (5)
_______
(1) Pekpek so manepeg ya ipakana ed ag manisia ed maptek a totuntonen
(2) Nen inmonan panaon, nen ninunot na Dios a dusaen iray totoo ta alablabas lay tagey na linawa ra tan isusongpa rad Sikato, ginanggan toy Noe, sakey a toon masimpit a walna, maptek a panagnunot, tan napnoy takut tan arod Dios, a manggaway sakey a bionga baleg a nakapotan a panayaman to, saray boleg to, tan sinansakey a kaparis na amin a manbibilay a pinalsa, ayayep, manomanok, bigibigis, tan arum nira. Sinumpal nen Noe so ingganggan na Dios tan legan ton ipaparaan iman a biong andi tonda ton manbibilin ed saray totoo ya manpatauli rad kasalanan da tan umanen da lay mauges ya pa nagbilay da pian napapay pasnok na Dios, et agda inasikaso tan elekan da ni ingen a tinawag day ambagel. Kalugan nen Noe tan amin iray kaulop to ed saman a biong ginmapoy ontan lan kasil na uran tan peles na bagyo ya ag balot angarian apataploy agew. Dinmelap na lapag ya ontan lay kaarakm na danum ta asalinap to nin apalombasan a maong so katagtagyan iran palandey, tan inatey ya amin iray totoo, tan arum ni ran pinalsa, likod labat si Noe tan saray ibiba tod man ed dalem na biong.
(3) Dasal iraya ed salitay latin balet aliway panangibaga nan Kpna. Tinchang; singa bilang Agnus Dei Catolis, say suston panangibaga, Agnus Dei qui tollis.
(4) Insulat a pangidatakan na sakey a too na pangipatawiran toy bienes to. Say naugaliyan a panaggawa no asingger lay ipapatey.
(5) Pangaskasiyan la ra! No iner so kawalaay asewek, walay apuy. Manaanapan iray nampapara; kanian no ibitay day Ibarra ontumbok ka met a
ibitay ....
