Insan manpeyeng a nengneng na manges so ulo to.
"iSaturnino, akin ka antoy agawam!” iningal nen Kpna. Tinchang a mapalaloy inkataktakut to; "ay Dios ko! Inatey la! Manawag kayoy doktor! Tinong, Tinongoy!”
Binatik day duaran anak to tan ginapoan day managogol a talo.
"Naalimureng labat, insan, naalimureng labat! Mas lablabayen ko la komon no .... no ... . balet ta agayla, alimureng labat. Non timeo mortem in catre sed super espaldonem Bagumbayanis.(1) Awit ki diay danum!"
“!Agka ompapatey!” kuanen asawa ton mannangis, “agka ompapatey ta erelen da ka! Ay, no ompatey ka insan onia ra diay sondalo, ay! ay!......”
Winalsikan nen kapinsan toy danum ed lupa tan inmoli liknaan nen pangaskasiyan a too.
"Siala, agkayo onaakis! Inveni remedium, nalmok so pamolaingan. Yalis tayod dokolan to. Siala, kuanko, pabiskeg yoy linawa yo, ta wadiaak man ya iba yo ya tarok ko ray amin a kakabatan day inmonan totoo Mamaawit kayoy doktor; .... tan natan a tultuloy, in san, lakad Kapitan General tan rigaloan moy bengatla kadenan balitok, odino singsing .....Dadivae quebrantant peñas(2) ibagam ta rigaloy Pasko. Ikaput yon amin iray dorongawan tan pinto, tan ibaga yod anggan siopan mananap ed kinen insan ko, ya ambelat so sakit to. Insan tayo poulan ya amin iray sulsulat, papipapil tan liblibro pian anggapoy narumog da, a singa ginawa nen D. Crisostomo. !Scripti testes sunt! Quod medicamenta non sanant, ferrum sanat, quod ferrum non sanat, ignis sanat.(3)
"On, alam so labay mo, insan; poulan mon amin!"
kuanen Kpna. Tinchang; "nirayay tumbok, nirayay sul
sulat nen Kpn. Tiago, poulan mo ra! Agka mangititilak
na anggan saksakey a palapagan a nanlapod Europa ta
makalanor ira. Nirayay palapagan a The Times ya inatol ko warin panbalkotay sabon tan kawes. Nirayay
liblibro!"
________
(1) Agko antakut so ompatey ed dokolan, say antakut kon pateyan diad Bagumbayan.
(2) Saray rigalo nabagbag day bat6, ya say labay ton ibaga so no manrigalo ka mainomay mon nagamoray labay mo.
(3) Say insulat makatasi. Say ag napaabig na tambal, napaabig na balatyang; say ag napaabig na balatyang, napaabig na apuy.
