lay sakey a matatken la, melag tan pukol, a napatpatnagay pangagalang dad sikato, tan ag oneseesel a singa
agto pangitaltalek.
“Ibagak so tua, nen saman agko ra naanosan so papari tan saray guardia civil ed uges na inkabangat da,” kuay sakey a biin matabataba; "natan balet ta anengneng koy kakanaan da tan say panagsirbi ra, ngalngalin onggabay ak lan miasawad anggan siopad sikara. Ta siak inarok so dalin kon nianakan.”
“!Ontan ko met!” kuay sakey a mabeng; "agay lan nansalat itayo lay Gobernador! No saman komoy tinumbokan to nia talagan linisan toy bansan singa sakey a patena.(1)
“Insan napalanit la ran naupot so amin a filibusteros.”(2)
"?Agda ta ibabaga ya dakdakel ni ray kapoloan ya anggapoy manaayam ? Akin et agda la ra ipaalis ditan iray ontan lan karakel na indion natatapis ey? No siak labat so Kapitan General...........”
"Sinyoras,” kuanen pukol;” si Kapitan General amta toy susungpalen to; unong na nangelan ko mapalaloy petang na ulo to ta singa apalaboan to amon maong itay Ibarra.”
"!Apalaboan ton maong!” kuan ton inoman nimay biin mabeng a mamaypaypay a pinasiay petang na ulo to; " ,’nengneng yo la lanti kalamangan da ra nian indio! Panon lanti pantrato ed sikaran singa kaparan too ey? ! Jesus!”
“Insan amta yo no antoy nangelan ko?” kuay tepet na sakey a militar.
"Anto tan ey?” — "Ibaga yo pa!” — “Antoy kuanda?”— Bansag na pigaran bosis a tinmepet.
“Totoo ran nasisia,” kuan ton may militar ed tinmunbok a keneng, “so akankuan ya amin iramay ibaba ga ton maabig a kanunotan a makasengeg na pangipaalageyan toy eskuilaan, tungtong Basilio ra labat.”
“Jesus! Anengneng yo la lanti?” kuanda ran may bibii ya anisia la ran tampol a tungtong Basilion tua.
________
(1) Lipong a balitok ono pilak a panangigatonay pari na lamay Katawan no misa.
(2) Pananawag dad saray pilipinon onsusungpa ed Ulcy na Kastila tan labay dan misiyan so Pilipinas ed España.
