“Sikatotan met so nonunoten ko; apunpunta yoy
kawalaay sugat.”(1)
“Nakaukolan ya asikasoen yan maong,” kuanen pukol a nengneng toy sinonunot; "Onsasabi pagak a walan tua amo diay pusan inkulongan.(2)
“ !Susto tay kuan yo, walay pusan inkulongan! Sikato tan met so ibagak lawari,” kuanen mabeng.
"Tan siak,” kuay sananey met a misasalet; "bulawen imay asawa nen Kpn. Tinong .... agto itinin balot nirigaloan anta nanlapo itayo lad abong to. Kanian no say sakey a bulawen tan maagap et mangibulos na rigalon manpetek na sanliboy pisos........”
"Akin, tua tan kasi?” kuan lamet nen pukol a tinepet.
" !Anto sirin ey! Anggapoy duarua a! Say angibagad kapinsan ko si dilin kaaroan to ya manangulop ed Kapitan General. Tan singak la sankanengneng a satan imay insingsing ton may panguloan a marikit to nen agew na pista. Anggapoy pakanengneng ed sikaton ag napnoy brillante!”
“!Singa manaakar ya escaparate !(3)
"Agay ka la, sakey itan a pakatawag na imano! Lablabay to lagi nen say mankawes a maong tan manggastos ed dumarait............ ”
Si pukol nanbaraan tan tinmaynan la.
Kalabas na duay oras, nen naugip la ray katoowan,
pigaran taga Tondo so akaawat na baga ya intulor day
sondalo
Saray Makauley singa agda napaloob a
walaray totoon seselengen tan mamayaman ya onugip
h ad abong iran ag babantayan tan makapoy so susungapen a dagem; diad Fuerza de Santiago'4’ tan arum niran
ayaman a kiey Uley mas malet tan mareen so kakaugip.
Nibilang ed sarayan totoon apalabian si pangaskasfyan
a Kpn. Tinong.
________
(1) Say labay to nian ibaga so atalusan tan nituro so petepeteg a makasengeg ed gagawaen na sakey a too.
(2) Waley makasengeg a maamot.
(3) Aparador ono ankabaleg iran kajon a salrrring a panangibuskagan day alejero ed bazar da na tagilako da ran alajas pian nanengneng iray totoo.
(4) Tatawagen met na “Fuerte de Santiago” tan sikatoy onkakanan pangawan ed saraman a panaon.
