Malikeliket si Kpn. Tiago. Diad saray makapataktakut iran agew a linmabas anggapoy anigensigen ed sikato: agda impiriso, agda sinebelan a misalita ed arum a too, agdan balot tinetepetan, agdara impakanad sikatoy makina electrica, agda intatalem iray sail tod danum ed pangawan irad dalem na dalin, tan arum niran panamairap a kabat dan petepeteg na totoo ran ipapasen day inkasikaran alukasan lay kanunotan da. Saray ka kaaro to, (odino saramay kakaaro to nen saman ta intapat to met laran amin so kakaaro ton Filipino nanlapo lad bektan impanginap ed sikaray Uley) akapawil met lara ed kaabongan da kayari pigay agew ya impanayam dan impanbakasion ed ayaman iray Uley. Si Kapitan General a dili so angiganggan a paekalen ira ta isisipen to lagin ag ira onnepeg a manayam diman, ya ontan lay irap na linawa ton may pukol ed sayan inkagawa ta labay to komon wari mamalabas na Paskoy Inkianak ya akamayamay tan mamayaman iray ibibato.
Si Kpn. Tinong sinmabid abong to ya agmakayari, amespesiaw, linmarag — agto naasirtay impanbakasion to — tan agay lay inkauman to, ta ag onsalita, ni ibano to ray asawa to tan anak to anta mapalaloy liket dad impakapawil to, manangis, manelek ira, tan ag mankapet so labir da. Sikato balet kalamor, antakut to lay onakseb ed abong ta agla piga no makapangibanoy fili buster©. Pati si kapinsan ton Primitive ya anta nambabangil lay ibabaga ton kakabatan day inmonan totoo, agto napaesel.
Crede, prime’(1) kuanto, “maong ingen ta akasabiak dia tan pinopoulan ko ray papipapil mo, ta no andi
inbitay da ka la komon; et no pinoulan ko labat so enti-
________
(1) Sisia mvak. kapinsan.
