ron abong mo, agda komon diniwit so anggan saksakey
a buck mo. Ballet ta quod eventum, eventum; Gratias
agamus Domino Deo quia non in Marianis Insulis es,
camotes seminando.(1)
Dakdakel iray singa inkagawa nen Kpn. Tinong a nangnangelan nen Kpn. Tiago. Kanian saya mapalaloy pisasalamat to, ya agto amtan petepeteg no siopay akautangan toy linawa. Si Tia Isabel ipaakar ton milagroy Virgen na Antipolo, Virgen na Santisimo Rosario, ond Virgen del Carmen, odino no aliwan saraya, agla nasapo ed Nuestra Senora de la Correa. Si Kpn. Tiago agto met papaandien a walay milagro balet ta onia ni kuanto ay:
"Manisia ak, Isabel, balet ta aliwan Virgen ed An tipolo labat angankoy nanggawa; angiba met ira angankoy kakaarok, si mamanogangen kon sinyor Linares ya amtam lan kagalawgalaw toy dilin Sr. Antonio Canovas, samay walad palapagan ya Ilustracion so retrato to ya diad tagey na inkatoo to kapkapalduan lupa to labat so ipanengneng tod saray totoo.”
Tan agto napokpokay pakaimis toy nagnagnap kapag walay makabaliksan a narengelan ton balitan nipaakar ed saray nagagawa. Masulosulok met a tuay makasengeg ed onian liknaan to. Say dengeldengel anggaman maamot, ibitay day Ibarra; ya anggaman diad gapd et anggapoy napangikukoan day panusa ed sikato, wala natay pinmaway a sakey a pakanengnengan a malinlinew a sekder na amin day dalem a kontrad sikato. Say kuanda ray makabat ta samay ipapaalagey ton eskuilaan nayarin ikanan amotan odino panayaman a pandipinsaan anggaman masala ta gawa lanti indio. Sarayan narerengelan nen Kpn. Tiago mangiiter irad sikatoy deey linawa a pakakaimisan to.
Unong ed nagagawad Kpn. Tiago tan si kapinsan
ton Isabel a nandumaay panagnunot da, ontan met so
nagagawad saray kakaaroy boleg da ya naapag met
ira ed duaran pulok: say sakey saray malet so pananisia
ra ya say inkilaban nen Kpn. Tiago et milagro; say biek
met saramay say pakatalus da et Uley so nanlapoan to,
anggaman mataltalag iraya. Saramay manisisiad mi
lagro naapag nira: samay sakristan mayor na Binondo,
samay managlakoy kandilan lilin sankanengneng day
___________
(1) Say linmabas, linmabas la. Misalamat itayo ed Dios ta agda inakar ed
Islas Marianas a mantatanem na kamoti.
