limay Dios ed saray nagagawa ya itotontoy Virgen na
Rosario; saman balet so intsik a managgaway kandila,
ya pananaliwan nen Kpn. Tiago no onlad Antipolo oniay
kuanton mangingkingking tan mamaypaypay:
“Sikayo gonggong; milagolo satan Miligen li Anti polo! Satan daeg to amin; sikayo gonggong!”
Si Kpn. Tiago mapalaloy panamabli tod saman a intsik ya aliwa labat lan managgaway kandila no agta ipapasen to met so inkasikaton pumaparies, mananambal, etc. Nen mabilay ni may asawa nen Kpn. Tiago, pinalaran to nen komanem bulan ton malokon a ninenengneng tod dakluap tan inkuan to:
“No satan anak mo aliwa laki, tan andi pataylo, bii, ya maong sikato bii. “Tan inanak a tuay Maria Clara ya anumpal na impamalar to.
Si Kpn. Tiago ta sakey a lakin mapasakbay tan matakot, agto makapanbengatbengat a manlutolutod nunot to odino manggaway anto kaman a singa si Troyano ya Paris/0 kanian agto amta no siopay palabian to ed saramay duaran Virgen ta mapagpagan napasakitan toy sakey, tan no oniay nagawa agla piga no antoray mauges ya onsabi — “Nakaukolay manlikas!” kuantod in kasikaton dili; “ompano naderal laingen ya amin!”
Onia ton manduarua nen onsabi ra may pulok a say alutolutod linawa ran inkilaban nen Kpn. Tiago et nanlapod Uley, ya sikaraya di Donya Victorina, Don Tiburcio tan si Linares.
Si Donya Victorina agla ngola mamasalabat ta insalitaan to la ra may taloran lalaki tan say dilin laman to; tinongtong toy aminpigan indalaw nen Linares ed kinen Kpn. General tan impasingayew to met ya aminpiga so kaabigay walay kanayon ya atagey ya inkatoo.
“Unong na kuan mi,” kuanton insumpal: “say onsilong ed maong a sirom, makasingger ed mabiskeg a kiew. ”(2)
“!S...s...so ni, so ibabagam!” kuanen doktor.
Diad sarayay onor iran agew mimialig ed pananalita ray Andaluz ya eekalen toy d tan isasalat toy z ed s
no mansasalitay kastila ta labay toy pabaloan ya Anda-
___________
(1) Principe ya ed Troya ya bantog ed impangipaakseb toy totol ya impangiter na Manzanas na Siblangan ed kinen Venus ya aliwan diad kinen Juno ono si Minerva.
(2) Alimbawa ya ed kastila ya oniaay: “Quien a buen arbol se arrima, buena sombra le cobiia.” Niay petepeteg a talus tod Pangasinan: “Say ompireg ed masalompapak a kiew, nasiroman a maong,” balet ta sinoni lanti nen
Donya Victorina.
