luza tan anggapoy makaekal ed sayan sinmeksek ed ulo
to, ya lablabayen to ni amon anggano sikdoten da ra
may kuletkulet ya impepeket tod muling to.
“!On!” kuanto ya sasalitaey Ibarra; “kanepegan toy inkagawa ton man. nanlapod inmonaonan impakanengneng ko, kuanko lad linawak ta filibustero. Antoy kuanen Kapitan General ed sika insan ey? Anto ray imbagam ed sikaton nipaakar ed Ibarra ey?”
Tan lapod agto naalagar ya onebat si kapinsan ton kuan, inmarap lamet ed Kpn. Tiago tan inkuan to:
"Sisia yoak, no dusaen dan papatey ya unong ed asingsinger a nagawa, say makasengeg si kapinsan ko.”
“!Sinyora! sinyora!” kuanen Linares a sinmungpa.
Agton balot initday lugar a mansalita.
“!Agi, mankonkuanan ka met! Amta mi la ya sikay mananimbawa ed kinen Kapitan General, ya agto makapanbilay no anggapo ka ... Ah, Clarita, malikeliketak a minengneng lamet ed sika!”
Si Maria Clara amespesiaw ni anggaman inmabig la. Samay buek ton andukey a makapakapal sininger ed tenger na inanagan a lason mapuspuslak. Angigalang a nasisikig ya imis toy maerermen tan sinmingger ed Donya Victorina pian onong na naugaliyan et angoban to nia.
Kayari pigaran tepet tan ebat ya onong met ed naugaliyan, intuloy nen mankokonkonwarin Andaluza so pansasalita to:
“Linma kami dia lanti ta dalawen mi kayo. Nilaban kayo nisesengeg ed saray kakaaro yo!” kuanto ya ninengneng toy Linares a pangipatnag ton saya so akasengeg.
“!Inantabay na Dios ira di Amak!” kuanen Maria Ciaran inmebat a makalkalna.
“On, Clarita, balet ta say panaon na panagmilagro linmabas la; unong na ibabaga min kakastila: “Agmo ipepeket so ilalom ed Virgen tan ikuyat moy batik.”(1) “ !So... so... soni!” kuan lamet nen doktor.
Si Kpn. Tiago ya agni akasalet ya anggad natan,
tinmalek ya anepet ya inalagar ton tinalineng a maong
so ebat:
_________
(1) Balikas met yad kastila ya onia: “Fiate en la Virgen y no corras.” Niay Pangasinan to ay: “Ipeket moy ilalom ed Virgen tan agka ombabatik.”
Asoni nen Donya Victorina ngola.
