“No ontan sirin, Donya Victorina, diad isip yo say
Virgen ...”
“Sikatotan lanti inakaran mi dia say pisalita mid sikayo nipaakar ed Virgen..." kuanton nantarok so salita to ya inturo toy Maria Clara; “walaray tungtongen tayon nigosio ...”
Atalusan nen marikit a nepeg toy ompaliis, kanian nanbaraan tan tinmaynan la ya peketpeket ed saray yorongan.
Say sinalita rad saman ya impantotungtong da masiadon makapabaing kanian agla dia uliten. Masarag lay pangibaga ya nen mansisiyan ira malikeliket iran amin tan inkuan nen Kpn. ed Tia Isabel:
“Ipasakbay mod fonda ya mangiter itayoy pista nabuas. Insan kalkalnaan mo lan ibagad Maria Clara ya magano lan piasawaen ko.”
Ninengneng nen Tia Isabel a baleg so inkisegawan to.
"!Nanengneng mo la naani! No manogang ti lay Linares, onsegep onakseb itila ed amin a palasio. Mapalaloy ibeg day totood sikatayo ed satan; ompatey irad ibeg da!”
Kanian a las ocho na labi ed kaimbuasan, napno lamet na too so abong nen Kpn. Tiago, balet ta saray binabagaan ton lalaki natan kakastila tan intsik labat. Diad sarav bibii walaray pilipina ya akalaok ed saramay espanola ya inaanak ed España.
Wadman iran asimpok so karaklan ed saray kabkabat tayo ra: si pari Sibyla, si pari Salvi tan arum ni
ran pransiskano tan dominiko; si masiken a teniente na
Guardia Civil, sinyor Guevara, ya lalon ambelabelat so
lupa to nen say gendat; si alferez a komalibo lan panotungtong toy impilaban to tan nanpatulon maong a singa
to ra ososdongan ya amin so totoon kaarap to, ya inisip
ton sakey lan D. Juan de Austria/1’ manlapo lagi ed
teniente la natan; si De Espadafia ya nengnengnengen
toy alferez a napnoy galang tan takut tan ipanappaliis
to ray mata to balet no sikatoy nengnengen da, tan si
Donya Victorina ya mauges so ulo to. Si Linares agni
sinmabi ta lapod makabaliksay kipapasen tod saman a
doipo, nakaukolan a manpaonor nen saray arum. Wala-
__________
(1) Balitado yan mibabakal ya anak ed aro na Ann Carlos I ed España,
tan analo ed bakal na Lepanto.
