ray totoon agay lay tikey na kanunotan da ya inisip dan
diad panpaonor dan sakey oras et masulosulok lan panmaliwan dan atagey ya inkatoo.
Dimad pulok day bibii tatalabutoben day Maria Clara; saya imbano to ra tan pinatuloy to ran magalgalang ya awitawit ton lanang so nengneng ton maerermen.
“Psh!” kuay sakey; “mankinon..."
"Magangganan tua,” kuay ebat met na sakey, "balet ta sarag to met ni komon imay laki nanpili aliwan lupay tanga.”
Say pilak, agay ka la: onsasaral, seguro la ya, kuanto met lagi.”
Dimad biek onia balet so kuanda:
"Panon, mimiasawa anta araparapen dan ibitay so kaaroan ton inmona!”
“Sikato tay kuankon maparaan: walay kasisinkat ton isalat!”
"No ontan sirin diad kabalo to...”
Sarayan salsalita narerengel ira lagi nen Maria Clara ya wadman a manaapiger na sakey a bandejan rosrosas ta sankanengneng a manggiwgiw iray lima to, manpesiaw so lupa to, tan aminpigan inketket tod bibii to.
Dimad kawalan day lalaki say salitaan maksil tan mapilit lan say totungtongen da et saray kaonoran iran agawgawa. Mansasalita ran amin pati si Don Tiburcio, likod labat si pari Sibyla ta agla ngola oneseesel a neng neng toy ag mangitaltalek.
“?Nangelan ko ya taynan yo la konoy San Diego, P. Salvi?” kuanton tinmepet nen balon teniente ya nanmaliw a mababig so pitotoo too nanlapod inkapeketan toy balon bitewen.
"Anggapo met lay gawaen kod man; manayam ak la angankon manpirmi ed Ibale — sikayo ey?
“Onalis ak met la,” kuanto ya inminat; ta nakaukolan nak na Uley ya mangipanguloy sakey a komppnva na sondalo a manliberliber ta pian napalinan iray filibustero so kaluyluyagan.”
Ninengneng nen pari Sibylan tampol a pinatagey pinaleksab insan to inbeneg ya aminpinsan.
“?Amta lan petepeteg no antoy kasumpalan ton may angigulon filibusterillo?” kuay sakey ya empliado
ya anepet.
