"Si Crisostomo Ibarra so labay yon ibaga?” kuan
met na sakey; “say asingsingger angankon nagawa tan
sanka sustoan met, so ibitay dan singa saramay nen 72.
" llpaalis! kuanton insiglan may masiken a teniente.
“Ilpaalis! Ipaalis labat? Anganko balet angga lad angga!" kuay pigaran nambabansag.
"No saman komon a tubonbalo,” kuanton intuloy nen teniente Guevara ed bosis a maksil tan ambelabelat, "et nanlikas na daiset; no agto ra komon piniyan aminpinsan so totoo ran kasulatan, tan no sara komoy fiscal tayo et aliwa lan mapalaloy kabat tan silib dan mangipatalus na akasulat, anggapo komoy duarua ya ag adusa.”
Baleg so inkikelawan da ran may wadman ya anggapoy akasel ed sarayan salita nen tenienten masiken tan say tonoy bosis ton angibaga. Si pari Salvi inlingay tod biek ta piano agto lagi nanengneng so ambilbilunget a kamamata nen masiken ed sikato. Si Maria Clara naikbanan to ra may aapigeren ton rosas tan ag akagalaw. Si pari Sibyla ya gendagendat et ag oneseesel, bukor to la ingen balet natan so amta toy ontepet.
"Walaray ibabaga yon sulsulat, Sr. Guevara?”
"Say ibabagak say asalita met ed siak nen abogado ya angialagey ed sikato ya inopoupot to met so anggaan to ed impangasikaso tod asunto. Likod labat ed pigaran karasig ya insulat to nian tubonbalo ed sakey a bii kasakbayay impikal ton linmad Europa, pigaran karasig adrinirbir ton sulato, tan intalus nen fiscal a sakey a ga gala tan kaatapan a sungpad Uley, anggapon balot so naalmo ran napangikokuan dan pangidaleman ed sika to.”
“Say paliwawa ton may tulisan kasakbayay impatey to ey?”
"Binuyak nen abogado ta onong ed kinen tulisan lan lamang sikato tan saray ibiba to ag iran balot akisalita ono akilupaan ed kinen Sr. Ibarra, no agta say akitalusan da sakey a toon manngaray Lucas ya unong na apapaway lan lamang ed sampot kabusol toy Sr. Ibarra manaya, tan nambitkel nisesengeg lagi ed pagbabawi to, Apapaway met a saramay papipapil ya arumog ed bangkay to, pinapalsd ra ta say inkasulat da kaparay pananulat nen Sr. Ibarra nen kasakbayani yakar tod Europa, balet ta arawin dalin la ed pananulat to natan,
kanian nayarin isipen a say inkanan anakalan anganko
