samay sulat ton angikukuan day anusaan ed sikato.
Sakey ni, say kuanen abogado to ta no si Sr. Ibarra et
agto labat komon binirbir imay sulat, masulosulok ni
komoy inkilaban to, anggapo ta kanengneng to konod
samay sulat, pinmoti lupa to, abalang toy sekder na
linawa to, tan pinatua ton inakon amin so akasulat di
man.”
“Say kuanyo ta sulat to ed sakey a bii?” kuay sakey a pransiskano ya anepet; “panoy impakasabi tod limay fiscal ey?”
Ag inmebat si teniente; ninengneng ton aganoy pari Salvi insan la inmarawin pirpirlesen ton ag makareen so mautoutok a sampot na balbas ton amalakpak la; saraman balet so tinaynan to agsi baga ray walad kaisipan da. "!Sankanengneng so limay Dios! kuay sakey; "pati saray bibii kabusol da.”
"Impapoulan toy abong ton kuan ta inisip ton makaliktas la, anggapo lan lamang balet so agonggona to ta agto aparaanan so kusiang to,” kuan met na sakey a manelek. "Talagan linaway Dios! Santiago y cierra España !”(1)
Saman balet so masiken a militar tinmonda ed pamaspasiar to, tan sinmingger ed kinen Maria Clara ya saya dedenglen toy amin a tungtongan ya ag onggalagalaw ed yurongan to; abuybuyak ed sail to ra may rosrosas.
“Sakey kayon biin mapasakbay,” kuanen teniente ed sikato ya makalkalna; “maong met so impangiter yon may sulat... ta diad ontan mareereen so arapen yon panbilay.”
Sankanengneng nen Maria Ciaran inmarawi a mata to ray teregtereg tan sankaketket to ray bibii to. Kapalpalaran ta akalabas si Tia Isabel, tan nigawat nen Maria Claray lima to ya binenbenan ed sapey.
“!Tia!” kuanton makalkalna.
“?Akin ka?” kuanto nia a nisegawan nen kaneng neng tod lupay kaanakan to.
"!Itulor yoak pad silir ko!” kuanton akikasi ya
binmitin ed taklay nen akulaw nen inmalagey.
__________
(1) Sikarayay salitan ibabaga ray kakastila nen saman no walara ed bakal. kasakbayay itakba ra ed saray kabakal da, ta say patron na Espana lanti si San Santiago. Say labay ton ibaga sirin. "Santiago sakbongan (ono ilaban)
moy España!”
