Intangay to ray mata tod tawen ya inanagan a malinlinew; inekal ton matantantan iray singsingsing to,
ikaw, seldet tan sagaysay tora ya inggagaton to rad
man ed tapew na apbaban ed batalan, insan tinmangoan
inmarap dimad ilog.
Sankanengneng toy sakey a baloton napnoy dika ya tinmondan pinmireg dimad patalan a walad ined man ya abong ed gilid na ilog. Sakey ed saramay duan kataon mansasakay sinmegep dimad takayan a bato, nilokso toy padir, tan nagogonoyan a tuloy dengdenglen so isesegep tod man ed takayay batalan.
Anengneng nen Maria ya akatonda nen naimano ton wadman, balet ta aganggand tan intuloy ton inmasingger a matantantan. a tinmonda labat nen sakey a taltaloran kondang lay kaarawi to. Akasuner si Maria Clara.
“!Crisostomo!” kuanton makalkalna ya ataktakot.
"On, siak si Crisostomo!” kuanton inmebat ed bosis ya ambelabelat; "sakey a kabusol, sakey a lakin masulosulok so pankatonungan ton mamusol ed siak, — si Elias, — inaon toak ed pangawan ya angibantakan dad siak iray kakaarok.”
Tinmunbok ed sarayan salita so sankaermenan a keneng; intewek nen Maria Clara, ya impelag to rad diking toy sanduan lima to.
Intuloy nen Ibarray nansalita:
“Diad abay na bangkay di Inak sinambaan kon paliketen taka ya anto may kidatngan kon kapalaran! Nayarian mon benegay sambam ta sikara agmo man ira ina; balet ta siak ya anak da, ipapasen kon masagrado so pakanunotan ed sikara, tan dinalan kon ag inkabilangay ag nabilang iran kaatapan ed inakar ko dian manumpal na impansambak aman, tan inabuloy na kapa laran a napitungtongan ta ka ya dildili. Maria, kaunoran la yan pakapannengneng ta; wala ka nid kalangueran tan nayarin nasani agew a tetelen kay konsiensiam a dilf ... kanian kasakbayay itaynan kon angga lad angga linmaak dian mangibaga ya nerdonaen ta ka. Natan ompatanir ak la . . . manliket ka komon!”
Onaarawi lay Ibarra et impuger nen Maria Clara ya binenbenan.
“!Crisostomo!” kuanto; “imbaki kay Dios a mangilaban ed siak ed kaandian koy ilalo . . . dengel moak ta
insan moak okumen!”
