agko aman peteg tan samet so gagalangen a ngaran nen
amak a tua? Nagawaan ko ya kasi ya ag pati sikan dili
et lemlemewen moak?”
“Saray pakanengnengan, walaray inter dad sikan pakanengnengay katuaan? Nakaukolan mo ya!” kua nen Crisdstomo ya manggiwgiw.
Tnaon nen Maria Clara so duaran papil ed pagew to.
"Duaran sulat nen inak, duaran sulat a ginawa to ed baleg a tetel na linawa to nen peles toak a lokon! Nia, basam ira pian naamtaan moy pangisasamba tod siak tan panpirawat tod ipatey ko . . . ipatey ko ya ag agamoran nen amak anta iniitdan to lay nambabangil a tambal! Sarayan sulat atilak iran alingoanan nen amak ed nanayaman ton abong, tan diman tora arumog nian laki, tan inatol to ra ya inter to ra labat ed siak a kasalat na sulat mo ... ya panseguroan to labat, so kuanto, ya agak miasawa ed sika no anggapoy abuloy nen amak. Nanlapod inkiwala rad siak a kasalat na sulat mo singak na lilikna ed pusok so betel na patey... Imbagat taka, imbagat koy arok . . . ta anto ta ni nagawaay sakey a bii ed ina ton inatey la tan duaran ama ton mabilay? Ininap ko pa lagi no antoy gaween dad samay sulat mo”
Nipintad lupa nen Ibarra so inkatalagnaw to. Si Marla Clara intuloy toy nankuan:
“?Anto ni nagawaan ko ey? Nayarian ko pa lagin ibagad sika no siopay amak, nayarian kon ibagad sika ya miperdonaan kad sikato ya anta onman lay impamairap tod dilin ateng mo? Nayarian ko pa met lagin iba gad kinen amak a perdonaen to ka, nayarian kon ibaga ya anak to ak anta onman lay pilalek tod ipatey ko? Anganggaay nagawaan koy manlikna ya ememan ed pagew so sekretok, tan ompatey a maniirap!... Natan, natan ta amtam lay sankaermenan a bilay na masegsegang mon Maria, imisan mo ni kasi napnoy panlemlemew?”
“Maria, aiding moy sakey a santa!”
“Maliketak ta pinmawil so pananisiam ed siak . . ."
“Ontan man” . . . kuanen Ibarran nansalat so tonoy bosis to,” nangelan kon mankasal ka . . .”
"!Onl” kuanen Maria ya manogaog; “kakaukolan
nen amak ya ed siak . . . sikato kalamor inaro tan tinagano toak ya anta agto komon manepeg a gaween, tan
