natan tumangan ko yan utang a linawa ed pangisigurok
na agto kaano tan panbilay ton mareen nisesengeg ed
piasawak, balet ta . . .
”?Balet ta?”
“Agkon balot lingoanan iray sambak ed katuuran kod sika.”
" ?Antoy kanunotan mon gaween ey?” kuanen Ibarra ya nenengnengen ton basaen so walad saray mata to.
"Ambilunget so arapen tan say Kapalaran abalkot met na kabilungetan! Agko nibaga no antoy gaween ko; et nepeg mon amtaen ta no mangaaroak maminpinsan, tan no anggapoy aro, anggapoy pangiteran koy inkasiak aya. Sika balet ... Antoy kasumpalan mo ey?”
“Sakey ak labat lan ombabatik . . . tan on tan lay bilay ko. Anggad nagogonoyan nasukayan la angankoy imbatik ko, Maria ...”
Binenbenan nen Maria Clara ed sanduan lima to so ulo nen Crisostomo, inangoban ton aminpiga ed bibil, nilakap to, insanto la impaliis ya inarawi ed sikato. “Laka la sirin, batik ka la! “kuanto; “batik ka la, Dios so mantalimad sika!”
Ninengneng nen Ibarra na marmarlang iran mata to, balet ta diad impangiandawes nen Mariay lima to, inmarawi la, ya ngalngalin agto napetek so akar to . . .
Nilokso to lamet imay padir tan linmugan lad samay manaalagar a baloto. Si Maria Clara akaapbab dimad kinsikinsi batalan a pakpaknuyotan to.
Inekal nen Elias so takoko to tan inggalang toy
Maria Clara ya intewek ton pinaspasia.
