na panangaroy sakey ya asawa tan sakey ya amán naandi ey?"
"Oniay panagkatunongan nen amá yo, sikatoyay maptek tan matonung a liknaan a totuntonen to lawas tan nayarin ibagá ya anggapon balot so apasakitan tan apaunong to. Gagaween toni ingey anggaay nayarian to ya panggaway dakel a maabig a gáwa ta pian konó nabural toray agawgawa ray lakláki to ra ya sungpad katunongan, Nipawil kod saray siblangan da nen kúra, mapalaloy iloluor da, si pári Dámaso paspasikian to no mansisirmon tan no agto bibitlaey ngaran ton malinlinew, sakey lan milagro, ta say ugáli to tan impangulouló to sansananey. Singak la sankanengneng ya ag mabayag aliwa lay kasumpalan da."
Si masiken a teniente tinmonda lamet ya aganó, insan to intobat:
Diad saman manliliberliber ed luyag yoy sakey a nansondalo ya say kimey to nen saman et managguyor tan managselsel na kanyon, tan nakal ed serbisio ed inkamureng to tan uges na kagagawa to. Lapod nakaukolan to met so manbilay insan agda abuloyan a manggawa ray abeban kimey ta kastila lantí et nayarin napaabebá toy dayew tan galang mi, ginawa ran managsingil na buis day luganan. Sikato ag balot nanaral tan saray indio atalusan dayan tampol. Diad panagnunot da sakey a makapakelaw so kastilan ag makabása tan ag makasulat. Balaw dia, balaw diman so ginawa rad sikato, ya asumpalan toy singa to babayaran ed aakoen ton kababaingan so buis a sisingilen to. Natatalusan ton petepeteg so panlulurey dad sikato tan nisesengeg ed saya, lalon inmuges so ugáli to ya anta mauges la lantin sipor. Gaggagalaen dan iter ed sikatoy papil a buneknek; sikato met konwarin basaen to tan no iner imay pasen ya anggapoy akasulat iguyarguyar to met lad may ngaran to ya ag nabasa. Saray indio manbabayar irá, balet ta ludlureyen da; sikato met aakmonen ton amin dapot no makasisingil, tan nisesengeg ed sayan nagagawa, anggapoy gagalangen to, anggapoy itdan toy punget tan asabi ya akapiebatan ed kinen amá yo."
"Agawa ya sakey ya agew nen papatpatleken toy papil ya inter dad sikato ta labay ton peteken, sakey a
