“Dengel yo, sinyor, so ayadyarin minurekdek ko,” kuanen Ellas a nengneng to ni sinonunot, legan dan mansasakay a mamapaarap ed San Gabriel. “Yamot ta kayo natan ed abong na sakey a kaarok ed Mandaluyong; itulor kod sikayoy amin a pilak tan kagawaan yo ran nibatik ko tan inkotkot kod sengeg ton may balitl, diman ed tatakutay katoowan a lubok ton may lakien yo; taynan kilad bansa...”
“?Ya onlaak ed arawi ran bansa?” kuanen Ibarran sinmalabat.
"Ta piano manbilay kayon mareen ya anggad panawag na Dios ed Sikayo. Wala ray kakaaro yod España, mayaman kayo tan mainomay yoy paindultoan. Sakey ni, no tungtongey tua saray arawin bansa mas maligen ni la laingen iran panayaman tayo nen say dllin dalin tin nianakan.”
Ag inmebat si Crisostomo tan nanumameng ya andi esel.
Onsasabi la ra ed Ilog na Pasig tan samay baloto sinmiglat so dalas ton mimilad agos. Dimad Puente de España(1) manpapagtik ya ondadalan so sakey a nankabayo tan sankarengel so andukedukey tan matodtoibot a pasiot.
"Elias," kuanen Ibarran inmebat; "say boleg koy nanlapoay segsegang yo, amidua yo lan inlaban so bilay ko, tan aliwa labatlan walay utang kon linawa ed sikayo no agta kanepegan ya ipawil koy kayamanan yon naandi. Ibabangat yo ak a manbilay ed arawin bansa; mila kayo sirin ed siak ta manbilay itayon singa sanagi. Masegsegang met so bilay yo dia.”
Impeyeng nen Ellas so ulo to ya maerermen tan
kuanton inmebat:
_________
(1) Jones Bridge so ngaran to natan.
