“!Agnayari! Tua ta agko la nayariay mangaro
may manliket ed dalin kon nianakan, balet ta nayarian
koy manirap tan ompatey ed loob to, tan siopay makapangibaga no iter koy bilay kon nisesengeg ed sikato
lagi, — walan siansiay kikanak. Maong la tan so say
segsegang na dalin kon nianakan et segsegang ko met
lan dili, tan bangta anggapoy manitipkel ed sikatayon
saksakey a masurin kanunotan, ta ag man lanti ompaparok so puso tayo ed saksakey a pamaakaran, magmaong nin siansia no kalaktip ko ray kabaleyan ko ed
segsegang min parapara, ta paniibaan mi nin pannangisay irirap min dili, ya apasakey a segsegang so manlipit ed kapusoan min amin!”
"?Akin sirin et papaalisen yoak ey?”
"Onaa ta diad arum iran pasen nayarian yoy man liket, siak andi; sakey ni agkayo inanak a manirap, tan ag arawin busolen yoy dalin yon nianakan no nasabisabi agew a napasegsegang kayon sikatoy nansengegan; tan sankabalgan met lan segsegang so pamusol ed dilin dalin a nianakan.”
“ !Makulang kayoy kaptekan ed pangipapasen yod siak!” kuanen Ibarra ed bosis ton nantarok na ampaipait a tetel; “alingoanan yo pa la lagi, ya kasabisabik ni lan lamang dia et, say inanap ko lan tampol so kaabigan to ...”
"Agyo komon ipapasen a papasakitan takayo, sin'yor, ta agtakayo man tuturingan: !Oy la komon no amin et makaalig ed sikayo! Balet ta agko aalagden ed sikayo so agnayari, tan ag komon onimbel so linawa yo ed pangibagak a say puso yo et naluloko to kayo. Inaro yoy dalin yon nianakan ta ontay imbangat ed sikayo nen ama yo, inaro yo ta manlapo ed aliling na nalmo yod akwalan to so aro, kayamanan, kalangueran, ya liket so nanenengneng yo iner may pangilingayan yo ray mata yo, tan ontan met ya agto kayo ni ninaunong; inaro yo ya singa panangaro tayo ed amin iray makapangiter ed sikatayoy liket. Balet, ta diad agew ya onpasen kayon masegsegang, narasan, apaunong, indalem tan inlako ray dili yo ran kabaleyan, satan ya agew itapat tan busolen yoy aliwa labat lan inkasikayon dili no ag pati dalin yon nianakan tan amin a too.”
"Masiadon ansakit so pananalita yo,” kuanen Ibar
ra ya makababarong.
