Intewek nen Elias, nannunot insan inmebat:
"Labay kon lukasay mata yo, sinyor, tan ipaliis komon ed sikayo so sakey a maermen ya arapen. Nunot yo pa may pisasalitak ed sikayo ya sakey bulan la anganko natan diad saya lan lamang a balotd, ya sinsindagan itayoy apasakey a bulan: diad saraman a panaon malikeliket kayo ni. Say paningel day masegsegang agto atenyeg so puso yo; intalirak yo ray daledalem da ta kuanyon dalem iray mauges a totoo odino totoon makasalanan; mas so impanisia yod saray kakabusol da, tan anggaman omnan lay impangipaliwawak tan pikakasik ed sikayo, ginmanpi kayod saray mamapairap a mamepespes ed sikara, ya anta walad lima yod saman so panmaliw kon mauges a too odino papateyak ed panumpal koy sakey a masagradon sipan. Agya inabuloy na Dios ta inatey imay masiken a pangulo ray tutulisan . . . Saksakey bulan ni linmabas nansalat kilay kanunotan!"
“Walay pankatonungan yon mangibagay ontan,
Elias, balet ta amta yo lan say too sakey a pinalsan napasoot no maminsan ya ontukoy ed onlalabas a nagagawa. Diad saraman ya agew kabaliksan koy bulag,
nanaalipanesanak, ta panon met so pakaamtak na petepeteg a kipapasen ey? Balet ta say dilin segsegang ko
nilukasan to ray matak; akaaralak tan abilibilik so katuaan ed impanbukbukor tan impanirap ko ed inkipangaw ko. Natan ko la anengneng so makapataktakut a
cancer(1) a mandederal tan manusopsop ed bansa ya kinmayamkam laran akapeket a maong iray lamulamot to,
tan kapilitan a, tuloy so pamekla tan aminpinsan a pamagot ed saraya. Sikara lan lamang sc nanlukas na
matak, sikaray angipanengneng ed siak na sugat, tan
sikara natay mamilit ed siak a manmaliw a toon ma
kasalanan. Tan bangta nilabay da, manfilibusteroak,
balet ta man filibusteroak ya aliwan galgalaw. Tawagen ko ran amin a kelkelen so masegsegang, amin iramay aliwan matakot a nalilikna ray parok na puso ed
pagew da, tan saraman met so angibaki ed sikayo ed
siak....; andi, agak nibagan makasalanan, ta ag balot
nipasen a makasalanan so sakey a toon mitulot nisesengeg ed kaabigay dalin ton nianakan! Legay talon
lasus taon yaawat tayoy lima tayod sikara, onkekerew
__________
(1) Larag ono tumor a marumsis ya ag amtay panlalapoan to, tan nayarin ontubo ed iner man a pasen na laman, a no ag nasipor et agla natambal ta masiadoy siglat na kakakamayat day lamot to.
