itayoy aro, pilalek tayo ran tawagey agagi... anto balet
so ebat da ey? Binales da itayoy panlemlemew tan panbalaw ya agda ni inabuloy ed sikatayoy liknaay totoon
pinalsa. Anggapoy Dios, anggapoy ilalo, anggapoy panangaro ed kaparan too, say alenleneg a wala say pankatonungay biskeg!”
Ag makareen si Ibarra, — manggiwgiw so kalamanan to ra.
Linmabas ira ed arap na palasio nen Kapitan General tan alikas dan magulogulo ray guardia.
“Anto, asukayan da la kasi imbatik yo?” kuanen Elias ya inmeremere. “Dukol kayo, sinyor,” ta sakbongan takayoy dika ta onlabas itayo ed Polvorista(1) et ompano derlawen na guardia no akin et duara itayo.”
Samay niluganan da, sakey ed saramay baloton maimpis tan makisir ya ag ira labat isasakay no agta singa ra ondadalas ed tapew na danum. Unong na pinasakbayan la nen Elias pinatonda ton may guardia tan tine pet to no iner so nanlapoan to.
“Diad Ibale ya angitolorak na dika ed saray okum tan saray kura,” kuanton inmebat ya inalig toy tono ray taga Pandacan.
Pinmaway so sakey a sargento tan kinabat to no antoy nagagawa.
“ !Sulung!” kuantod Elias, “pasakbayan ta ka balet ya agka mangilulugay anggan siopa; akabatik so sakey a piriso, et no naerel mo insan niiter ed siak, itdan ta kay upam.”
“Ilaloan yo, sinyor, antoy pakabirbiran kod sikato ey?”
"Akakawes na levita tan amta toy salitay kastila; kanian, !cuidao!(2)
Inmarawi la may baluto. Linmingay si Elias tan napaaninagan to may guardia ya manalalagey dimad pangdel na ilog.
“Naabala itayoy pigaran bekta,” kuanton makalkalna; "nakaukolan tayoy onlargo ed Ilog na Beata ta pian ompatnag a singaak taga Pena Francia. Nanengneng yo natay ilog ya inkanta nen Baltazai' ed anlong to.”
Naugip so baley a sisindagay bulan. Inmalagey si
Crisostomo ya manaamayoy onman lan kareenay talbay
___________
(1) Pasen a panaggawaay polvora ya ikakana ed paltog, kanyon, etc.
(2) !Manasikaso ka!
