pinalsa ya aiding na deey lubok. Diad saman a pasen
magmainget so ilog, tan diad nantopag a pangdel mapatar so dalin a tinubuay makapal a dika. Imbantak
nen Elias imay lugan to ed pangdel, inalsa toy sakey a
kawayan a baleg tan inala tod man ed dalem na dika
so pigaran anggapoy lugan a bayong a boloniog, insan
da la intuloy so nansakay.
"Anggapoy makapibiang ed sikayo, sinyor, ed labay yon gaween, diad laman yo may arapen yo,” kuanen Elias ed Crisostomo ya saya et ag oneseesel.” Balet ta no abuloyan yoak a manawag na imano yo, nia labat komon so labay kon ibaga ay: Nunot yon maong so gagala yon gaween, — sinitan yon padanuldolen so apuy na bakal, ta mainomay yo man yan gaween ta walay pilak yo tan matudioy pakatalus yo, sakey ni maganggano kayon makalmoy onggampi ran milad sikayo ta dakdakel ira lanti agda napapaknaay panbibilay da. Balet ta diad sayan igapo yon tulot, saray napairap saramay agda niagel so inkasikara tan saray andi kasalanan. Saraman lan lamang so liknaan ya angituldon ed siak a sinmingger ed sikayo nen imbeneg a bulan a mikakasin onkekerew na pamasimbalo, sikara met so mamipilit ed siak natan a mangibagad sikayo ya manumameng kayon maong. Say bansa, sinyor, agto nunot so onsiyan ed Inan Bansa, no ag ta onkekerew labat na daiset a kawayangan ono pankanawnawa, daiset a katonungan tan daiset a panangaro. Sekderan da kayo ran may agda napapaknaay panbibilay da, saray man ges a totoo, saramay naandian lay ilalo, balet ta say baley ag mibiyang. Nalilingo kayoy baleg no maniapod ambilunget so nanenengneng yo natan iner may pangiarapan yoy mata yo, et isipen yon say baley et naandian lay ilalo. Say baley maniirap, on, balet ta agni naandiay ilalo, agni nakalay pananisia, tan onalsa labat lan ontonganga no naupotan lan aminpinsan na anos tan tepel, no saray dilin manouley ed sikato et kaliktan da la yan nagawa, tan mabayag ni yan nasabi. Siak a dildili agak milad sikayo, ta agkon balot napaloob ya ikana ra tan a pamaakaran anggad ag samay nanengneng kon naan dian la ray ilaloy katoowan.
"!Siak a bukor no agkayo! kuanen Crisostomo ya masulong.
"?Sikato la tay ag napiing a kanunotan yo?”
“!Ag napiing tan alenleneg, a tasi so pannodnuno-
