tan ed kindi amak! Ag nayarin pasamsam kon andi
esel so deen tan liket kon manbibilay, siak, a bukor na
kaabigan labat so pilalek ko, siak, ya amin et ginalang
ko tan intepel ko nisesengeg ed panangaro ed sakey a
religion a paklap, nisesengeg ed panangaro ed dalin a
nianakan. Antoy imbales dad siak ey? Inseksek daak
ed marumsis a pangawan tan inlako ray aasawaen ko.
Ombalesak, ta say agko ibales sakey a kasalanan ta
kabaliksan toy pangiter ed sikara na talek tan biskeg na
linawa ed panpaunong da lamet. Say agko ibales sakey
a kapayotian, sakey a kamelag na linawa so paningel
tan pannangis no wala ni onkokurang a dala tan bilay,
no diad panlemlemew tan pangayat dan milaban et ipano da nin yarum so panlurey! Tiponen ko ray totoon ag
makatalus, ipaliwawak ya ipanengneng ed sikaray segsegang da; ibangat ko ran mangilingoan na impanaagi;
ipaseksek kod sikara ya saray totoo aiding da ray lobo
ya saray makapoy a napatulok da et pateyen daran kanen, tan ibagak ed sikara ya manepeg so iyalsa ran itonganga ed mamepespes a mamapaunong, a pangibeliaw
day andi anggaan a pankatonungay too ed pitulot ton
pangalay kawayangan!”
" !Sara balet so totoon andi kasalanan so manliknay segsegang!”
“!Lalon abig! Nayarian yoak ya isabid palandey?”
"!Agtakayo taynan anggad agyo pakasabi ed pasen ya anggapo lay kapagaan yo!” kuanen Elias.
Pinmaway ira lamet ed Ilog na Pasig a say tungtongan da natan manpultot a nipaakar labat ed nambabangil ya andi kakabaliksan.
“!Santa Ana!” kuanen Ibarra ya makalkalna; “nabirbir yo ni yan abong?”
Onlalabas irad petek na abong day paparin Jesuitas ed uma.
“ ! Ditan ak amalabas na agew iran masayaksak tan malikeliket!” kuanen Elias a bansag ton inngeswa. “Nen manaaralak binulan kamin onladia ... diad saraman a panaon anggapoy dumak ed saray arum: walay nayarian ko, walay boleg ko, napnoak na ilalo, marakep iray pikugip kon sabien, a singak sankanengneng so malikeli
ket ya aarapen ko. Diad saraman met ya agew dadalawen koy agik a bii ed kaabay a colegio; no arum riga-
