loan toak na bengabengat lad tan a binordaan a gawa
ton dili . . . walay ibiba ton amiga to ya maong a bii.
Linmabas ya amin a singa labat kugip. ”
Ag ira inmesel a dua ya anggad impakasabi rad samay malapad-na-bato.(1) Saray asali ray nansakay ed Pasig ed sakey ed saray labin napnoy karakpan a nanengneng diad Pilipinas, no say bulan et singa to iibong a maniapod malinlinew ya inanagan na katawenan so dakep na anlong day sinag to; no say kabilungetan et sasaniban ton yaamot so segsegang day totoo, tan anggapoy narengel a bengatlan tanol na bosis ed nasnaspot a keneng; no bukbukor labat na mangarakep iran pinalsay Dios ya amamayoy too so mansasalita, saraya anganko so makatalus no antoy mumurekdeken da ran may duaran tubonbalo.
Diman ed Malapad na bato, mantemeg imay carabinero ya manbabantay tan lapod sankanengneng ton anggapoy lugan ton may baloto tan anggapoy naala ton nagongonan bengatla, unong na nansasaloran lan iluam day olop to, tan kagagawa ed saman a pasen, pinalabas ton agtola tiningga. Ontan to met nimay guardia civil ed ilog na Pasig, ag sinmabi inap to tan pinaulian to met iran linmabas.
Manliliwawa la nen akasabi rad man ed libsong a danum toy malinlinew tan mareereen ya aiding toy espejon sankabalgan. Mankakalkalna lan ompepesiaw a nabubural so bulan tan ombubuskag lad Letakan so masamsamit iran kolor na rosa. Abantag dad aragdawi ni daiset so singa balbaleg a bulton kolor na gris ya ag nabaliksanan a maong tan mamapaarap ed sikaran matantantan.
“Nitanlay falua(2) ray sondalo, ” kuanen Elias a makalkalna; "dukol kayo ta sakbongan ta kayo ra niay sako ay.”
Manlinew so pakanengneng dad samay falua.
"Ompapasen ed nanpegleyan tayo tan say pangdel,” kuanen Elias a napapagaan.
___________
(1) Malapar a bato. Sakey yan malaplapar a bato ya linmondaw ed ilog dimad pasen a nanabetay agos a manlalapod “Lake of Bay” tan say manlalapo met ed Marikina, ed pantipon da lan panmaliw ya Ilog na Pasig. Sayan pa sen inkankanta rad anlong day inmona ran Tagalog ya ibabaga ran ayaman day derimonio. Nen saray papari et binin-ditaan dan pinabatik irayan manges a es piritu, ginawa ra yan pasen ya ayaman day carabinero a panagsingilan day buis day tagilako ya idadalan ed Ilog na Pasig.
(2) Sakayan.
