Tan iniwas ton nankalkalnay baloto to ya ibebegsay
ton ipapaarap ed Binangonan, balet ta alay kelaw to,
nen naimano to ya samay falua et onbibira met a mansasalat na arapen to, ya bansag na bosis a manbabando
ed sikato.
Tinmonday Elias a nannunot. Arawrawi ni pangdel tan diad nagogonoyan susto lan naabot la ray balay pusil da ran may walad falua. Ninunot toy ompawil ed Pasig, ta kaabigan marlas na akamayamay imay baloto to nen samay sakey; balet ta kanengneng to nitan la lamet so sakey a baloto ya nanlapod Pasig a sankanengneng iran mankidiam so sombriro tan bayoneta ray guardia civil.
“!Akulong itayo!” kuanton inmeremere ya pinmoti lupa to.
Inosdongan to ray mabisbiskeg a taklay to tan tinumbok toy alenleneg lan nagawaan to ya ginapoan toy nanbegsay ya anggaay nayarian to ya amaarap ed Isla na Talim.(1) Ontatayagtag lay agew.
Mapmaples so idadalas na baloto; et sankanengneng nen Elias dimad samay falua ya ombibira, so akaalagey iran lalaki ya sisinyasan da.
"?Amta yoy mangisakay ? kuanton tinepet ed Ibarra.
“On, akin a?”
“Onaa ta alenleneg ya abot tayoy itaboy kod danum ya ibalang kora. Andi duarua ya aboten daak et andibali ta sarag koy onlangoy tan onlegep . . . yarawik irad sikayo . . . insan akauley kila balet a mangilaban ed sikayon dili.
“Andi, agkayo onaalis ta milaban itayo!”
"?Ya, panon ey? Anggapoy armas tayo, agda itayo labat kinolikik?”
Kapangibaga to nian tultuloy, nangel so nginmisiw dimad danum a singa bilang gawaey sakey a bengat lan ampetapetang a naplag a nipalgep, tan manomtumbok so tanol na paltog.
“?Anengneng yo la?” kuanen Elias a bansag na
impangigaton toy begsay dimad baloto. “Mannengneng
___________
(1) Sayan polo wala ed Laguna de Bay ed luyag na Rizal a nanpalduaay baley na Binangonan tan Cardona. Nen tiempo nen Rizal, sayan polo makdel a katakelan a wala labat so melamelag a maalindaway a kawalaay pigaran nadederal laran alolong, balet ta natan apanmaliw lan pigaran barrio ya
dakdakel laray nranaayam tan wala laran pati eskuilaan to.
