itayo no labi Inkianak dimad lubok nen laki yo. “Hlaban
yoy bilay yo!”
”?Sikayo balet ey?
“Dakel niray mas ankabaleg a kaatapan ya angilabanay Dios ed siak.”
Nen nanlakseb si Elias intarok na bala may inekal ton aysing a bansag na impakangel na duaran tanol na paltog. Ag balot atalagnaw, pinasamano toy Ibarra ya wadman ya akarokol ed dalem na baloto; inmalagey, tinmaboy ed danum, insan to intolak na sail to may baloto.
Nangel so nambabansag ya eyag tan nagogonoyan anengneng so ulo nen Elias a linmimuas ed danum a singa bilang onlinawa, insan limereg lamet a tampol.
" !Niman, niman, wadman!” kuay pigaran bosis, tan nginmisiw lamet so pigapigan bala.
Samay faliia tan baloto ginapoan dan aaboten imay onlalangoy; sankanengneng ya akabirlas ed tapew na danum so dadalanen to ya manarawi ed samay balotdn kawalaan nen Ibarra ya patawpataw yan singa anggapoy lugan to. Kapag ilimuas nen onlalangoy so ulo to ya onlinawa, mantotumbokay pamaltog dad sikato ran may guardia civil tan sondalo ya wadman ed duaran sakayan.
Abaybayag lay pangousil da; samay baloto nen Ibarra arawrawi met la ; saman met so onlalangoy manasingger lad mad gilig a kaarawi to nia angankoy talomploy depa labat. Naksawan la ra may manbebegsay et naksawan met la balet si Elias ta mabetbetbet lay panangilimuas toy ulo to ya nandudumaan a pasen so lilimuasan to, ya singa bilang labay to ran ibalang ya elewen so mangaabot ed sikato. Anggapo met la may nanengneng a birlas na danum a pakaamtaan no inei’ so kawalaan to. Anengneng dan sankaunoran nen sakey angankon samploran depay agto pakarapatan ed pangdel, tan pinaltog da . . . linmabas so pigaran bekta et anggapo lan balot so anengneng a linmimuas ed mareereen a tapew ton may danum.
Kalabas na kapalduay oras say kuay sakey ed saramay manbebegsay so walaray pasen a pakanengnengay dalad man ed asingger ed pangdel, balet ta saramay ibiba to manpeyeng ira labat a nayarin kabaliksan
toy manisia ra, nayari met ya andi.
