ray kandilan lilin a gaween mon ugawugaw mo. Amtam
lan sipor so panangarok ed sika . . . agtakan balot nanpasnokan ..."
Samay bosis nen pari Damaso ya mansigla nanmaliw a matamtamoy tan maararo. Inggapo nen Marfa Clara so mannangis.
“Mannangis ka? Anako, akin et mannangis ka ey? Nansiblangan kayo nen Linares?”
Pinepet nen Maria Clara so sandua toran layag.
"Agyo bibitlaen itan a ngaran . . . natan !” kuanton inkasil.
Ninengneng nen pari Damaso ya napnoy kelaw.
"Agmo labay ya ipia ed siak so kanunotan ono liknaan moran maamot? Agkota lawas ginaway anggaay nayarian ko ya impanumpal koy anggan anton gustom?”
Intangay nen Maria so mata toran naames na lua, ninengneng ton agano, insan lamet mannangis a ngalngalin napotkan.
"Agka onnanangis na ontan, anako, ta ansakit so pagew ko ya manimimaton ed sika! Ibagam ed siak no antoy paneermenan mo, ta ditan mo napatnagan no panoy lugor tan panangaro nen padrinom ed sika!”
Simningger a matantantan si Marfa Clara timnalirnukor ed saray salito, intang wa toy lupa ton panagosay lua, tan inkuanto ed bosis ton makalna ya ngalngali ag narengel:
“Inaro yoak nin anggad natan?”
"Anako!”
"No ontan sirin ... Agyora papaulian di amak, tan buyak yoy pankasal ko!”
Insan to tinongtong so kaonoran ya impannengneng da nen Ibarra, likod labat so nipaakar ed inkianak to. Si pari Damaso ngalngalin agto nasisia so dengdenglen to.
"Nen manbfbilay ni,” kuanton intuloy; "ninunot koy mipalaran tan manalagar; maniilalo ak, ya agko iter so linawak! Labay koy manbilay tapian labat narengelan ko no antoy nagagawa to... natan ta pinatey da, anggapoy makasengeg na panbilayan kon manirap.”
Saya imbaga ton matantantan, ed bosis a makalna tan mareen ya anggapoy lua ton tinmerter.
“Antoy agawam, ag mas maong nin aminliboy Linares nen si . . .?”
"Nen manbfbilay ni, nayarian koy miasawa ... ni
nunot koy ombatik no kayari bansal . . . ta samet labat
