so kakaukolan di amak et say pikakanayon! Natan ta
andi lad bilay, anggapoy arum a manawag ed siak na
"asawa” . . . Nen manbibilay ni, nayarian koy manpaabebay galang ko, walan makatambayo ed siak so pannodnunot ko ya mabilay tan nayarin nonunoten toak;
natan ta inatey la . . . say konbinto(1) ono say lubok!”
Ontan lay inkarandanet na pananalita nen Maria Clara ya apaandi ligligsa tan sayaksak nen pari Damaso ya nengneng toy sinonuont.
“Ontan lay impangarom ed sikato?” kuanton tine pet a makalkalna.
Ag inmebat si Maria Clara. Intewek nen pari Da maso so ulo tod pagew to tan ag inmesel ya abayag.
“Anako!” kuanto ed bosis ton akisakisan; “perdona moak no apasegsegang taka ya agko ginagala. Say
nonunoten ko say arapen mo, say pilalek ko so panliket
mo lawas. Panoy pangiabuloy ko ya miasawa kad sakey
a taga sayan bansa, ya banbantayan taka naani ya
asawan masegsegang, tan sankairapan ya ina? Agko
nabural ed oldm so arom ed sikato, kanian sinmungpa
ak ya anggaay nayarian ko, nanlames ak nisesengeg ed
sika, nisesengeg lambengat ed sika! No sikatoy akiasawaan mo, pannangnangisan mo naani so kipapasey asawam a napairap tan napaunong ya agto nilabay inkasikato; pannangnangisan moy kapalaran a datngen day
anak mo: no panaralen mora singam ira ipaparaanay
ambilunget ya arapen tan manmaliw iran kabusol na
Religion tan banbantayan moran ibitay odino ipaalis;
no agmo lukasay kanunotan da, sankanengneng mo met
iran patulokey arum a too tan napaabeba! Panoy yabuloy kod saya ey? Kaniantin yaanapan taka na asawam a nayarian tokan itandoro tan gawaen ya inan
maliket na anak iran mangganggan ya aliwan ontulok,
mandusa ya aliwan pairapen... Amtak a peteg a si kaugawan mo et maong ya ugali, inarok a singa met impangarok ed ama to, balet ta binusol kora nanlapod impakanengneng ko ya sikaray pansengegay segsegang
mo, ta inaro taka, pinabli taka, inaro taka ya singa dilin
anak: bukbukor moy nisaponay arok: abantayan taka
ya binmaleg, anggapoy oras ya onlalabas ya a^taka pinunot: pikugip taka; anggapo lay arum a liket ko no
agmo bukor . . ."
__________
(1) Konbinto met so panangingaran dad ayaman day mamadre.
