Dimad tagey, ed kalisudsud na palandey tan abay na sakey a maples a kulos, walan akaamot ed utel day kakiyewan so sakey ya alolong a lusek to ray apikpikewet Iran sengeg na kiew. Akubotan lawari entiron atep ton temel na impakalab a mabonabonan kalobasa ya nalpey na rosas tan mabongabonga; saray parakep tod dalem saksaklor na olsa, ulo ray animolok ya andurokey so pasingil day arum. Diay panaayamay sakey a boleg a tagalog a komikiyew ira tan omaanop.
Diad sirum na sakey a masalsalompapak a kiew, manyoryurong so sakey a masiken a mankakayas na belong na niog, legan nen apd ton marikit a mangilulugan ed buksot na iknol, dalayap tan pisipising. Duaran ugugaw a laki tan bii so wadman Iran manggagalaw ed abay na sakey a ugaw met a laki ya amespesiaw, maerermen, ankabaleg a inpanmata tan araldalem so kanenengneng to, ya manyoryurong ed atumban sengeg na kiew. Diad nabengan a lupa to nabirbir tayon siansiay anak nen Sisa ya Basilio ya agi nen Crispin.
"No onabig la tay salim ay,” kuanton may ugaw a bii, "manggalaw itayoy pico-pico insan itayo manaamotan, siak so ina.”
"Insan ka milad sikamin onkalab ed pontok na palandey,” kuanto met nimay ugaw a laki, "oninom kay dalay olsa ya pinespesay tabol na dalayap ta piano ontaba ka, insan ta ka ibangat ya onlokson manbasilbasil ed kabatoan diad tagey na kulos.”
Makakaimis na maerermen si Basilio, osdongan to may sugat ed sail to insan to ibales a tangayey agew a masmasnag.
“Ilakom irayay kinayasan kon panis,” kuanen masiken ed samay marikit, “tan isaliwan mo ray abet da ra yay agim ta Pasko natan.”
