"!Bibintarol, bibintarol so labay ko!” kuanen lakf ya maningal.
"Siak, say ulo ton may ugawugaw ko!” kuanton maningal met imay bii ya pineketan tod tapis imay agi ton marikit.
“Sika ey, antoy labay mo balet ey?” kuanton may laki ra ya tinepet ed kinen Basilio.
Inmalagey yan mairirap tan sinmingger ed kinen masiken.
“Mama,” kuanto, “masulok a sakey bulan sirin so impansakit ko?”
“Nanlapod impakasagmak mid sika ya anggapoy liknaan mo tan asugatsugat ka, duara lan solaw so linmabas; abaloan mi no agkala nabilay..."
“Say Dios lay ombales ed sikayo ta mairirap so walan panagbilay mi!” kuay ebat nen Basilio; “balet ta maniapod Pasko natan, labay ko komoy ompawil ed baley ko pian nanengneng ko met ira di Inak tan si agik a yogtan. Anapen daak la anganko.”
"Panoy yakar mo, anako, et agka ni inmabig a maong, insan arawrawi baley mo, agka makasabi anggano pegley labi.”
"Andibali, mama! Marmaermen met lagi ra di Inak tan samay agik a melag, ta tinaon a manoulop kami no onian Pasko . . . sanen katangtaon amasko kami sakey a siran baleg a kinan min tald... Mannangis la anganko ra di Inak a manaanap ed siak.”
“Ompatey kad dalan, inong! Sayan labi mandem itayoy nganak tan pindang ya olsa. No onsabi ra may anako ya maniapod uma anapen da ka . . .”
"Akamayamay iray anak yo, mama, di Inak balet dugduara kami, samay agik labat tan siak; ompano inisip daak lan inatey! Kanian sayan labi, labay ko met iran paliketen, ya itday aginaldo ... say anak dan sakey !”
Alikas nen masiken a linmua ray mata to; intapevz toy lima to ed ul6 nen Basilio tan inkuan ton akasibeg:
"Singa ka masiken! Laka sirin ta anap moy Inam tan itdan moy aginaldo to ... ya nanlapod Dios, ya unong na kuanmo; no amtak labat komoy ngaray baley mo, linmaak la nen peles mon mansasakit. Laka la sirin, anako, say Dios tan say Ugaw a si Jesus komon so mangantabay ed sika. Manolop kila nen apok a Lucia ya anggad ontumbok a baley a manlapo dia.”
