“Auto? onia ka la?” kuanton may ugaw a laki.
“Anta dimad leksab et akamayamay so sondalo tan mamatakew I Agmo la labay a nengnengen iray bibintarol
ko? Pum purumpumpum!"
“Agmo la labay so migalaw ed sikamin may nganak a bulag insan itayo manaamotan?" kuanto met nimay ugaw a bii, "Asalim lay inmamot? Sankaabigan met lay walay mangousil ed sika, insan ka onamot, anto?”
Akaimis si Basilio, dinemet to may tayokor to ya manages iray lua ed mata to.
“Ompawil ak a tampol,” kuanto; “awiten ko dia may agik a melag, no nanengneng yo labalabay yon kagalaw, ta singa sika kinabaleg.”
“Mankitlaey met a singa sika a?” kuanton tinepet nimay bii; “no piley met sikatoy gaween tayon nganak ed pico-pico.”
“Agka mangilinglingoan,” kuanton may masiken; “awit mo yay pindang a olsa ay ta iter mod Inam.”
Intolor da ran may ugugaw ya anggad mad taytay a kawayan a binmatak ed samay maawang a kulds a mapalaloy peles tan kaaralem na danum to.
Pinapeket nen Lucia ed taklay to insan lara linmiko ya asaniban laray kakiyewan. Masigsiglat so akar nen Basilio ya anggaman onman a binerber ni sali to.
Manngisiw so onsisiplog ya amiyan tan nakeketel iray totoo ed San Diego.
Anggaman labi Pasko, mareereen so baley a maerermen. Anggapoy anggan sakey a parol ya akasabit ed iner man a dorongawan, tan anggapo met so anggan anton tanol a narengel ed kaabongan a mangipakabat na pasasabien a liket a singa imbeneg iran taon.
Dimad silongan na abong nen Kapitan Basilio wadman yan manyoryurong ed abay na sakey a dorongawan a nirijas na balatyang, a katungtong toy Don Filipo, ta akapankaaro ra nisesengeg ed dinmadalan a kasegsegangan to nia; tan dimad biek a dorongawan balet wadman met iran akaarap ed lansangan di Sinang, si kapinsan ton Victoria tan si malimgas ya Iday.
Samay bulan a kakapat a mamapaarap lad lesek, peles ton ontatagey a sisindagan to ray kakiyewan tan kaabongan, a nambabangil so nengneng na anino ran ompapaway.
“Aliwan dagdaiset so kapalaran yo, ed inkablos yod sarayan panaon, ya anggapoy apapaway dan kasalanan
