yo!” kuanen Kapitan Basilio ed kinen Don Filipo; "tua
ta pinoulan da ray libro yo, balet ta saray arum mas
dakel ni apirde ra.”
Sinmingger so sakey a biid man ed rijas a tinmakiling ed dalem. Mandarlang iray mata to, nikukundalem iray aping to, tan buskag so buek ton asaganet; sansananey so itsura to ed liwaway bulan.
"Sisa!” kuanen Don Filipo ya nikelawan, insan inmarap ed Kapitan Basilio, legan nen ambagel ya onaarawi.
"Kuan no walad abong na sakey a doktor?” kuanton tinepet, "atambal la sirin?”
Akaimis na ampaipait si Kapitan Basilio.
“Sinmabi paga ton may doktor ya idalem dan kaaro nen Don Crisostomo kanian pinaalis to lad abong to. Natan liwagliwag lamet ya ambagel met nin anggapov naumanan to, mangankanta, agmet manggugulo, tan manaayam ed takel ...”
“Anto niray arum ya agawad baley nanlapod inalis mi ey? Amtak a sananey lay kura tan alferez ...”
"Makapataktakut iran panaon, manpapasuner so talbay katoowan!” kuanen Kapitan Basilion makalkalna ya nonunoten to ngolay inmona ran panaon.
"Nengneng yo, kaimbuasan ed impangipikal dad sikayo, arumog day sakristan mayor ya inatey ya akabitay ed bobiday abong to. Niliklikna nen pari Salvi impatey to, tan kinelkel ton inala ray amin a papipapil nen sakristan. Ah! inatey met lay pilosopo Tasio tan inkotkot dad kamposanto ray intsik!”
"Kasi met lay Don Anastasio!” kuanen Don Filipo ya inngeswa; "saray libro to ey?”
"Pinoulan da ran amin na totoon masasantos ta inisip dan napapaliket day Dios ed inpanggawa ray onia. Anggapoy nilaban ko, anggano saray libro nen Cicerdn labat komon . . .agmet ginmalaw si kapitan . . . agto ra binaat a balot...”
Ag ira inmesel a dua. Diad saman dengdenglen dan sinmabin anggad sikara so maerermen a kanta ton may ambagel . . .
"Amtam no kapigay pankasal nen Maria Clara?” kuanen Iday a tinepet ed kinen Sinang.
"Agko amta,” kuanto nia; "akaawatak na sulat to et agko ni nilokasan ta mapalaloy takut kon makaamtay lugan to. Kasi met lay Crisostomo!”
