"Nengneng yo pa may ugaw ay, ya uusilan toy ambagel! kuay sakey ya igaganggan a bii ya walad lansangan a mapalaloy petang na ulO to.
Tan lapod sankanengneng ton agto tondaan ya aaboten, anemet na batd tan tinopak to ya nankuan:
"Nitan! Agay lan akasinger so aso!”
Alikas nen Basilio so baton dinmapo ed old to, balet ta agto inasikaso tan ag tinmondan manbagtik. Mandangol iray aso, manggakgak iray ganso, wala ray linmokas a dorongawan a tandagay osioso ya malabay a makamtay nagagawa, wala ra met balet so kinmakaput ta mapalaloy paga ra met na arum ya ompan wala lamet so gulo.
Saramay duara akapaway lara ed baley. Si Sisa tinantanan toy batik to et arawin dalin nin siansiay ag pakaabotan nen Basilio.
“Ina!” kuanto nian maningal nen apasikmatan to lamet. Kangel nen ambagel balet ed bosis, pinaspasan to lamet so batik.
“Siak, Ina!” kuanen ugaw a maningal a nanaekalan lay ilalo ed pakaabot to.
Ag narerengel nen ambagel, tan si anak mandongap lan onaabot. Alabasan da la ray uman tatanemay pagey tan asingger la ra ed takel.
Anengneng nen Basilio ya inmutel ed takel si inato, tan tinmonbok met. Saray wakawakal, kiew iran ankelag, babuyan tan bulawit a masabit tan lamot iray kiew ya ankakabaleg ya akapaway ed dalin so makakaabala ed batik dan dua. Si anak tumbok a tumbok ed kinen ina to ya napapaaninagan tod sinag na bulan ya ontatalus ed sangasangay kakiyewan. Akaloob irad samay makapataktakut a takel na boleg nen Ibarra.
Aminpigan agapdl si ugaw ya atumba, balet ta onalagey a tampol ya agto naliliknay sakit, ta say sigpot a kamarerua to wadman ed mata to ran tomtumboken dan sankanengneng imay pinabpabli ton too.
Nilagsanan da may kulds a managagos so danum ton singa manesaes na masamsamit; saray sabisabit na kawayan a wadman iran apakpaktak ed gilig, onkukutep iran ontuturok ed sail to ran anggapoy apis, et ag ontotundan mangeekal. Mankelaw nen si ina to et inmutel dimad katakelan tan tinmobong dimad pinto na pinadir a lubok ton may kastilan masiken dimad sengeg na baliti.
