Maniapod akamayamay ni mabilay ed saray akab,kabat tayd ed sayan uliran tan agmet la nasoysoy so kawalaan da ray arum, mairap so pangiter na petepeteg ono ayadyarin kasampotan. Diad kaabigay ombaley malikeliket itila komon a mamatey ed sikaran amin, a maniapod pari Salvi ya anggad Donya Victorina, balet ta ag lanti nayari .... paulian tila ran manbilay ni sirin! kaabigan say bansa met so mantataganod sikara ya aliwan sikatayo. . . .
Nanlapod inloob nen Maria Clara ed konbinto si pa ri Damaso linma met lan nanayam ed Ibale, tan ontan met nen pari Salvi, ya legan ton manaalagar na panobispo to, mabetbet a mansisirmon ed simbaay Sta. Clara ya atagtagey so betang ya eegnaan to ed saman a kon binto. Ag abayag ed saya akaawat si pari Damaso na ganggan na Sankagalangan a Provincial a pankura to ed sakey ya arawrawin luyag. Say kuanda ta ontan lay impanlikna tod saya ya arumog da lan inatey ed silir to nen kaimbuasan. Walaray mangibaga ya naatake, walara met so mankuan ya aleplep, balet ta say doktor pinunas ton aminpinsan so amin a duaruwa ed impangibaga ton inatey a bigla.
Anggapod saray manbabasa ed saya so makabirbir natan ed Kpn. Tiago no nanengneng da. Pigay simba. ni kasakbayay inloob nen Maria Clara ed konbinto, namemeneng lan pinaspasia ya ginmapo lan nanebeng, mapalaloy ermen to, sinonunot a lanang, ya anggapoy piyaen ton singa agawad si masegsegang a kaaro to. nen saman a Kpn. Tinong. Kakaput na pintoy konbinto ed inloob nen Maria Clara, ginanggan toy sankaermenan kalamor a kapinsan ton Tia Isabel a sinopen ton amin so kagawaan nen ariak to tan si inatey lan asawa to tan onia lan manayam ed Malabon odino San Diego, ta
sikato labay to lay manbilay a manbukbukor. Pinaspasan toy nansugal na liampo tan nanbulang, tan ginapoan to met so nanapian. Agla oonla ed Antipolo tan
