agmet la mamapaiter na misa; si Donya Patrocinio ya
akulaw a katagam to malinlinak lay kanunotan to tan
malikeliket, ya mansangsanggook a legay sirmon. No
bilang ta makalabas kayoy sakey a ngarem ed onaan a
lansangan na Sto. Cristo, nanengneng yon manyoryurong ed sakey a tindaay intsik so sakey a lakin melag,
ampesisaw, mabmabeng, bukot, a mata to ray nikokondalem a nakukupit ira ed pantemtemeg to, bibil tan kuko to ray kolor day maringdingot, a terteregan to ray
totoon singa agtora nanenengneng. Kasilunget to, onalagey a mairirap, tan dakutkot ya akabaston a mamaarap ed sakey a laet a melag tan ontubong ed abong a
melag a maringdingot met a walan intatak na batek
iran ankakabaleg ya ambalanga, tan inyan ed tuktok
na pinto so onggendan: PANAGSUNGAPAY APIAN
YA INGGANAD KALAPAGAN. Saya may nibantog
a Kpn. Tiago ya alingoanan la natay amin a too, pati
si dilin sakristan mayor.
Si Donya Victorina nanpatulo. Kulang toni ramay gepeng ton kulet ya impepeket ed muling to tan say panagsalita ton inalig tod saray Andaluz(1) linmad ulo to lamet so manpaakar na luganan, ya agto pagalawen ed abay toy Don Tiburcio. Lapod nisesengeg ed kapoy lay mata to et akamayamay lay asagsagmak dan kairapan, natan akasalming na quevedo(2) ya makapalpalek a tuay itsura to. Anggapo lan balot so anawag ed kinen doktor a manpatambal, tan saray igagangean da maminpigad sakey simba ran nanengneng a ngileb, tan natalusan da lay manbabasa no antoy labay ton ibaga nia.
Si Linares ya alenleneg kalamor a manangiansakit ed sayan masegsegang a too, abayag lan manpapainawa ed kamposantoy Paco ya inatey ed disenteria tan say uges na kagagawad sikato nen ayro to.
Si alferez a nisesengeg ed impanalo tod saramay
inmalsa ed Uley et nitagey a Komandante, pinmawil
lad España ya tinaynan to la may mapangaron asawa
to ya akaaysing nin may pranela ya agla nabirbir na
tan no anto lay kolor to. Sayan pangaskasian ya Ariad-
__________
(1) Saray, taga bansa na Andalucia ya say panagsalita ray kastila et agda bitlaep.so letra ya d, isalat day z ed s, tan walaray akmonen dan ag bitlaen iran,batek.nasalita.
(2). Salming na mata ya anggapoy kawitan tod layag no agta say panangtyan ipildit ed nansikaray eleng.
