na(1) nen tinaynan da lan inkaindan inmarap lan singa
si anak nen Minos(2) a bii ed panangigalang ed Baco(3)
tan pinaspasian panagtabako, ya aliwa labat lan saray
mamarikit a katayakdang so antakut ed sikato natan no
ag pati sara met lay akokulaw tan ugugaw a lalaki.
Nayarin mabilay nira so kabkabat tayo ran mibabaley ed San Diego no bilang ta ag ira inatey ed imbetag na vapor a “Lipa” ya manbabaroy ya onaarap ed luyag. Lapod anggapo lay nansakit na ulo ya nansuysoy no sioparay inaatey ed saman ya inkagawa, tan no siopa ray akansali tan akanlima na akamayamay ya ataytayak ed Polo na Convalecencia(4), tan dia rad gilig na ilog, anggapoy pakapikabatan mi no wala kasi ed saraman ya inaatey so kabat day manbabasa nia. Masulosulok lan peray linawa mi ya singa met say Uley tan saray palapagan ed saman a panaon, a say alenleneg a parin ampoti ya linmugan ed saman a vapor et ag naano, tan anggapo lay tatakpanen min arum. Sa labat lay makabaliksan ed sikami say bilay da ray mangasimpit a papari ya, oy la komon no say panouley da dia ed Pi lipinas et ampayaey Dios nisesengeg ed kaabigan day kakamarerua.
Nipaakar ed Maria Clara anggapo lan balot so nangelan a singa bilang inakmoy lubok. Pigapiga ray nantetepetan mi ran totoo ya seselengen dara ed konbinto na Santa Clara, et anggapoy malabay a mangibulos na anggan saksakey a salita, pati saraman lay mararasal a bibiin malalabir met a makatataway nimay nadadayew a fritada na altey iray nganak tan samay nababantog a salsa ya tatawagey “salsa ray mamadre” ya gawa ton may matudion pakatalus a lumuluto ray Virgenes na Katawan.
Ontan man.....
Sakey a labi septiembre manungol so dagem ed mapalalon peles to ya singa to ra isisikdak so payak ton
andi panangasi ed saray kaabongan ed Ibale; mankilaldak so karol, tan mantotumbokan so kirmat a diad ki-
__________
(1) Bii yan inkaindan nen Teseo nen inasawa toy Daco.
(2) Ari ed Creta.
(3) Dios na alak.
(4) Say nanlapoan to nian ngaran ta diad sayan polo walay hospital day Padres de San Juan de Dios ya panangiakaran dad saray agmakayari ra no inmabig lara ya pinmaway ed hospital da ed Ibale et nakaukolan da ni manpabiskeg. Likod ed sayan hospital wala met diay sakey ya abong a baleg tan kaabongan niran ankekkelag a kien day totoon partikular. Sayan polo walad
pegley na ilog na Ibale ya marakerakep iray kaliberliber to ran pasen a napantaligaygayan day asakitan a manpapakasil.
