diam na liwawa ra et nasisilewan day nagagawan deral, tan ontan lay takot ya iiter dad saray katoowan.
Uran a binakbinak, tan mapalaloy bilunget, a bukor labat ed ikidiam na kirmat so pakanengneng no nabanaan to, na sakey a pirason atep odino kaput na dorongawan a naaknit ya ombantak tan ondapod dalin ed onman
lan tanol. Anggapoy anggan sakey a luganan odino
toon manaakar ed kalansanganan. Diad pankalkalnan
singa yarawi na makatelek a tanol na karol, onsublay
a narengel so panngisiw na dagem tan say tanol na uran
ya ipapalir ton ipapaspas ed akakaput iran kalansipay
day dorongawan.
Walay duaran guardia, sakey a sondalo tan sakey a distinguido,(1) ya sinmirum ed sakey a gagaween ya abong ed asinger ed konbintoy Sta. Clara.
“? Antoni gagaween ta dia ey?” kuanton may sondalo, “anggapo met so anggan sakey a manaakar magmaong lay ompawil itad abong; manaayam ed lansangay Arzobispoy kalogoran ko ”
“Arawi balet, ag ita abasa,” kuay ebat nen distinguido.
“Anto konoy wala ey, ag maong ni nen say terakan ita diay karol ay?”
"Agay kala, agka mapaga ta saray mamadre wala tay para rayos(2) da.”
"!Labat la!” kuanton may sondalo; ?antoy kakanaan tod sayan bilunget ay ey?”
Tan intangay to ray mata to ya nengnengen toy ambilbilunget a tawen; diad saman kinmidiam na makapataktakot a kirmat a tinombokay makatelek a karol.
“ !Susmariosip!(3) kuanton may sondalo ya angorus tan ginoyor to may iba! to; “!itala!”
"Antoy nagagawam?”
“Itala, itala!” kuanto, ya makalateket so ngipen to ed gaway takut to.
“Walay anengneng mo?”
"lAniani!” kuanton inmeremere ya manggiwgiw.
“?Aniani?”
__________
(1) Sakey ya atagey ya inkatoo ya mansisirbin singa kipapasey sondalo balet ag mankikimey na ambelat, insan no panangitagey ed kipapasen mas nalabi nen saray arum ya anggano kapara tc ra ed kakanaan.
(2) Balatyang a mayumis tan andukey ya ipepeket ed toktok na abong pian dimay laey Iasi ya terakan, et agtora terakay totoo ono ayayep.
(3) Jesus, Maria tan Jose.
