a milmilad manngisiw a dagem, balet ta ag ira nangel
na talbay kapinalsaan; pati Dios singa met immamot ya
agto narerengel.
Kaimbuasan, nen nanwakas lay tawen tan sinminag a malinlinew so agew ed utel na alinisan ya ililinawan dagem, tinmonday sakey a luganan ed pintoy konbinto na Santa Clara, tan inmepas so sakey a laki ya impaipakabat a mangilalaman ed saray Mamakauley, tan kinerew ton pisalitaan a tamtampol so abadesa,(1) insan to kinaukolan ed saya ya pinengnengan to ran amin so ma madre ya wadman.
Kuanda ta sakey ed sikara agilaygilay ya anbasan aleteb a maong so kawes to, ya mannangis a mikakasi ed samay too ya papailaban ed marumsis iran gawa ya nasasaniban na pakalalan kasantosan tan kaabigan, tan idadalem to ray makakebiew a nagagawad man. Kuanda met ta mapalaloy kalimgasan to, tan diad amin lan anengnengneng sankarakpan iray mata to ya singa ra mansasalita.
Samay mangilalaman ed saray Mamakauley agto inabagey; akitungtong ed kinen abadesa insan to la tinaynan iman a pangaskasiyan a bii ya agto inasikasoy onmanlan pikakasi tan pannangis to, tan saman a madre ya wala nid kalangueran banbantayan toy inkaput na pinto nen kabeneg ton may lakin pinmaway, a liknaan to lagi miolibay ed sakey ya atutolan a napaktak ed inpierno no nanengneng to lan onkaput so pintoy tawen, no bilbilang to say tawen et masulit tan anggapoy kasisibeg to ya singa saray totoo. Say kuanton may abadesa so ambagel iman a madre.
Agto lagi amtan man a too ya diad Ibale et walay pasen a panangiakaran ed saray ambagel, ono inisip to lagi ya say konbinto ray mamadre et panangisimpenan ed saray ambagel, anggaman walaray mangibaga ya saman a too et mangmang, lalo la no nipaakar ed panangibiig no say sakey a too et tua kasin naaliway ulo to ono andi.
Kuandamet ta nen sinmabi yan balita ed layag nen
General Sr. J., ag inmabubon ed saman ya agawa tan
labay ton tulongan imay ambagel kanian aaleen to.
__________
(1) Say makauley day amin a mamadre ed sakey a konbinto.
