This page has been validated.
“Kaaro, tepet yo lad Kpn. Tiago ray arum nin labay yon kabaten. Natan, say maabig a labid sikayo! Nakaukolan a nengnengen ko no anto ray nagagawa dia.”
Andi esel, inawat nen Ibarra so kapukepukel a lima nen teniente tan pinasamano toy malmalet ed ag nibalikas a liknaan to, tan andi esel met a pinakpaknuyotan ton anggad agto la nanengneng.
Insan la pinmigar tan kanengneng tod onlalabas ya luganan pinara to.
“Diad ‘Fonda de Lala’!” kuantod bosis ton ngalngalin ag akabesrigaw.
“Kapawapaway tod pangawan ya anganko!” kuanton may kutsiro ed inkasikaton dili ya bansag na impaniplat tod saramay kabayo.
