mangakaksion iran malikeliket; wadman iray intsik, kakastila, pilipino, militar, papári, akukulaw, tubonbalo tan arum ni. Si pári Dámaso walad abay ton man a kalimgasan; si pári Dámaso ya manimimis ya aliling toy toon nagnap ed kapalaran; si dílin pári Sibyla pisasalitaan to, tan si Da. Victorina aapigeren tod marakep a buek ton man a bii so sakey a deyeng na perlas tan brillante ran mankidkidiam ya aaninagay alay dakep a nambabangil iran kolor. Saman a bii ampoti, alabas pala lágid potí; saray matá to ya mabetbet iran akausdong, diad pangitangua tod sikara wadman a nanengneng so kamarerua ton andi taldeng, tan no onimis a nanengneng iray ngipen ton amusiak ed poti, tanı nampaparan ankelag, nayarin ibaga ya say rosas sakey labat a tanaman, tan say garing pasingil labat na elepanti, ta ontan lay impanaeg tod sikara. Diad tapew na mankankaninag a pinya ya aysing to tan linmiber ed ampotipoti tan singa nilalik a beklew to, walan mankinkindat unong ed panangibaga ray tatagalog, so mabilabilay a matá ray sakey a kuintas a brillante. Saksakey a lakí so singa agto naliliknay marlang a biskeg na pakayari to, no kasi ta nayari yan pangibaga: sakey yan pransiskanon ugaw ni, ya mabeng, nikondalem iray aping to, amespesiaw, ya walad niarawi tan nengnengnengen ton ag onggalagalaw a singa talintao, tan agla wari onlilínawa.
Si Ibarra balet anggapoy nanenengneng to ed saya; saray matá to sananey so sankanengneng da, apati-
rán maringdingot tan ag pinintaan a padir a nanliktob ed mainget ya ayaman; diad bandad tagtagey na sakey walay rijas u balatyang; diad marutdutak tan makadimdimlan datal, walay sakey a papag tan mandokdukol ed sayan papag so sakey a masiken a manpapanabos: sayan masiken masagpot so kalilinawa to; lingawlingaw ed biek tan biek a mannangis a mamibitlay sakey a ngaran; bokbukor to kalamor ya andin balot so iba to; no arum sangkarengel ya anggad biek na padir so tanol na gulonggulong a balatyang tan ontan met na tagleey a maerermen..... Dia balet ed sakey ya arawin pasen, peles na sakey a pista ya paniinoman day alak..... sakey a balolaki manelek, maningal tan ikakalbo ton isasalog so alak ed rosrosas ya impamarakep na lamisaan, ed ontan lan tipak tan elek day ibi-
