tonio; San Francisco de Asis a pitoray payak to tan nankawes na kolor na kapi tan inggaton ed tagey nen San Vicente, ya saya, anggano dugduaray payak to wala balet so awit ton kornetin; si San Pedro Mártir a pinisag so uló toy talibong na mauges a too ya sankaegnaay sakey a mantal talimokor a toon bugkalot, ed abay met na San Pedro ya pinotot toy layag na sakey a Moro, si Malco anganko, ya saya, kinetket toy bibil to tan manyesyes ed sakit, legan a mankokaok so sakey a lalong a ibubuláng a manpayakpak a mantogtoon ed sakey a lusek; a say pakatalus met nen Kápitan Tiiago ed saraya so no santos, kapara toy sikatoy mamisag onó sikatoy pisagen da. Siopay makabitlan sansasakey ed saraman a talintao ya aliling day mapalet iran sondalo ya onlan mibakal ed karakel, tan siopay makapangiulit na amin a karakpay walna tan kaabigan ya wadman iran asimsimpok? Kulang so anggano sakey a tekap! Balet ta ag tayo nepeg a lagsanay sakey a maong a lakín San Miguel a kiew a pinintaay balitok a singa lawari sakey metro katagey: sayan arkangjel sankaketket toy bibil ton leksab, mandarlang iray matá to, asilot so kirep to tan rosarosay kolor day aping to; sankaegnaan toy sakey a kinlong a griego ya insanib tod laman to, tan walan intagey na lima ton kawigi so kampilan na moro (1) ya gawad Joló ya unong ed pakatalus ed itsura to tan kanenengneng to, singa mas sipaparaan a manigbat ed madibosion ya onapay ono anggan siopan onasingger, nen samay demonion akimandukey so ikol to tan nansaklor ya impanek toy pasingil tod bitking na arkangjel a malimlimgas a singa bitking na marikit. Si Kápitan Tiago ag balot onsisingger ed sayan talintao ta mapagpagan manmilagro. Akin ag akamayamay laray talintao ya anggano saramay aliliwa ya manlalapod Paete, (2) ya ginmalaw tan binmilay ira ed panusa rad saray ag manisian makasalanan? Bantog ya inkagawa ya say sakey a Kristo ed España nen inapayan da ya mantasi ed sipan na aroan, intanger toy uló to ed arap na okum; sakey met a Kristo intangtang toy taklay ton kawanan ed krus ya inlakap tod abalá nen Sta. Lutgarda insan
sakey ni, akin agto abasan dildili ed sakey a libron
(1) Kampilan ya antikey a say patarem to et nankiwelkiwel a singa uleg.
(2) Sakey a báley na Laguna.
