pamaakaran, ed totoo ran makasalanan ya anta saraya et anganggad natalosan dan kastila et say salita ed tindaan. Saray partido nen Kápitan Tiago kuanda ta naugip si Donya Patrocinio sanlegay sirmon; kuanda met balet ya onebat iray mangiyaansakit ed si akulaw, ya anggan naugip ta abayaran lay sirmon, sikato nimet so nanbayar, ta diad amin a pamaakaran say manonaan say panagbayar. Apasuko ton siansay Kápitan Tiago ed impangirigalo tod simbaan na taloran andas a pilak ya inanos ed balitok a masulok a talonliboy pisos so bilí sakey. Say aalagden la labat nen Kápitan Tiago say ipatey tonyan akulaw odino say kataloy limara onó anemiran kolko to, piano nabukoran to lay mansirbi ed Dios; anggapo balet ta saray mangiaalagey ed kinen akulaw sankaabigan iran abogado ed Real Audiencia, (2) tan no nipaakar ed abig na laman to singa ag kaney patey: aliling toy sakey va kawat a balatyang, pian lági walay sekder tan pangaligan day arum a totoo, ya ontan lay peket tod sayan dálin a panagluaan a singa kapepeket na girigirí ed laman. Saray mangaantabay ed sikato malet so ilalo ra ya diad ipatey to manmaliw a santa ya nasabi ni agew ya igalang nen Kápitan Tiago so talintao tod saray altar, a si dilin Kápitan Tiago maabobon ed saya tan isipan ton igalang dapot no ompatey lan maganó.
Sikatoyay Kápitan Tiago ed sarayan panaon. No diad inmona,
Sikato saksakey ya anak na sakey a mayaman a managkomirsioy masamit ed Malabon, balet ta ontan lay igot to nia, ya agto labay so manggastos na anggan sakey melag ed panaral na anak to, kanian impaugaw toy Santiaguillo ed sakey a párin dominiko, ya sankaabigan a too ya ginawa toy anggaay nayarian to ed inpanbangat tod kinen ugaw na amin ya amta ton maabig. Nen asingger lan narapat toy panaral to lay logica ya tawagen dala komoy kaibiba tan kabkabat to ra na logico, inatey a nantumbokan si párin panaayaman to tan si amá to, kanian tinmonda lan nanaral tan apasout lan nankomirsio. Angasaway sakey a malimgas
(1) Nanlaok a salitay kastila tan salita ray Pilipino a mabetbet a natnaumay panangisulat tan panagbitlay sakey tan sakey.
(2) Sankatageyan ya okuman nen saman ed Pilipinas, tan walad Ibále, ya diay pangiyaapeloan dan ami kolkol a nanaokum ed saray luyluyag no sáráy mankokolkol et agda napaknaen so inpaakseb a tutol.
