a bii ya taga Sta. Cruz ya akaibad sikaton maong ed inyaman to tan angiter met ed sikatoy atagey a kipapasen tod bilay. Si Donya Pía Alba ya asawa to, sakey a biin makulí ta aliwa labat lan nankomirsioy masamit, kapi tan anil, no agta inmarap nin pati mantanein, tan sikatoyay akasengeg na nansasaliwan day daldálin ed San Diego ya dia lay ginapoay impankakaaroan da di
pári Dámaso tan Don Rafael Ibarra ya sayay sankayamanan ed saman a báley.
Singa la nayarin nabalaw so seseg dan manpapayaman ta diad anem taon dalan impankasal anggapo ni anak dan ontawir, a singa ya pankelawan, ta si Donya Pía maong ya indengan, maong a laman, tan asimsimbang so inalageyan to. Agla napopultot so nobinas to; diad bangat day bibiin mararasal ed San Diego, linman dinmalaw ed Virgen ed Caysasay ed Taal, (1) nanpapayábol; nansayaw ed libot a kagkagtangay agew ed arap na Virgen ed Torumba ya walad Pakil: (2) anggapoy agamoran to ya anggad impangibangat nen pári Dámaso ed sikato ya onlad Obando (3) tan diman sinmayaw ed pista nen S. Pascual Bailon a kinmerew na anak a lakí. Diad Obando talora so kekeréway anak a
(1) Sa kapilya tonyan Virgen walad leksab na palandey ed pasen ya kawalaay báley na Taal, ed sakey a lugar a mapalanas a nanpegleyay palandey tan say ilog ya onangos ed Laguna. Sayan Virgen bantog a milagrosa, tan akamayamay a pilipinon manlalapod nambabangil a pasen ya ompepegdat a mimisa ed kapilya to ya sinábado. Sayan talintao nanlapod dayat, nala ray komakalokor ed iket da ya kalaok toray sirasira. Nanlapo lágid sakey a sakayan a nakneb, insan intarok na daluyon ya anggad bandad sakbit. Kuanda ta nanlapod impakakalokor ed talintao to ompapayawar no arum ed tuktok day kakiyewan.
(2) Say talos na Torumba, onlukso ed gaway liket. Say Virgen na Torumba, Virgen Dolorosa, ya insakbit dad báley na Pakil na totoo ran taga arum a bansa ya agda met nibaga no panoy inlesa tod sakáyán dá. Kuándá rá nian totoo so akamayamay laran báley ed Baybay so labay da warin pangisakbitan et agdan balot nagiing ya anta maong lay gagawaen da, tan diman labat so akagiingan da. Saramay dakel a totoon inmabet ed samay sakayan mapalaloy liket da ed sayan impatnag na Inan Virgen a panangaro ed sikara tan, diad gaway liket da, nanluksolukso ran mansayawsayaw tan nankankanta ed liberliber ton may talintao, tan sikatoyay gapó na ugalin pansayawsayaw tan pankan ta ya legay libot tonyan Virgen no pista to. Tinaon ya anemiran nobinas so gagawaen ya ongapo ed Martes ya ontumbok ed Paskoy Inkioli Bilay. Dakerakel so minonobinas, pilipino may taga arum a bansa ya mandaragop iran manbobunton ed Pakil. Kapag lumpos, walay libot tan diad sayan libot so isayaw tan pankanta ray totoo. (Mansayaw iran sansasa key ya anggapoy pareja.) Kayari libot saray totoon nansasayaw onla ran manames ed üog.
(3) Say báley na Obando asingger ea Polo, Bulacan. Taloray Patron, Nuestra Sra. ed Salambaw, Sta. Clara, tan S. Pascual, tan say pista ra Mayo 17. Sarayan taloran Patron pikekerewan iray anak; no laki labay ya anak, say pikerewan si S. Pascual, no bii, diad Katawan tin Santa María ed Salambaw odinó si Sta. Clara. Saray bibiin onkerew na anak da, mansayaw irad arap na simbaan onó diad dalem a yegyegen day eges da. Aliwa labat lan anak balet so kekeréwen day conla dia: wala ray onkerew na anak, wala ra met so say itonda dalan mananak no dakel lay ának da, saray arum say yabig na sakit da, say pakapaesel dad bin kakarawen da, etc.
