lakí odinó bii no dinay labay na onkerew: Ntra. Señora de Salambaw, Santa Clara tan San Pascual. Nisesen- geg ed sayan makabat a bangat nen pári Dámaso, nan- lokon si Donya Pía, balet ta . . . . . ay! diad aliling ton may somisigay a kuanen Shakespeare ed tungtong ton "Macbeth" ya aglan balot anganta nanlapod impakalmo toy kayamanan, si Donya Pía inmandi liket to, gina- poan toy nanermen tan agla anengneng ya inmimis. "Ontay mannginew!" kuandan amin, pati si Kápitan Tiago. Diad impananak to nanpetang na atagtagey a sikato lay impatey to tan apultotay erermen to ra, ya ataynan ton naulí so sakey ya ugaw a biin agay lay limgas ya inanak nen dílin pári Dámaso ed biniag, tan manlapod ag initdan nen San Pascual Bailon na ke- kerewen ton anak a lakí, inngaran day ugaw na María Clara ya oniay impanusa rad maptek a panagnunot a San Pascual Bailon.
Say amabaleg ed ugaw si Tía Isabel, samay akulaw a kapinsan nen Kápitan Tiago ya anengneng tayod ga- po tonian uliran; mabetbet ya ayaman toy San Diego ta maong dimay dagem tan diman naynay a daldalawen nen pári Dámaso ya inararo to tan amomóyoten toy mapalalo.
Si María Clara agto atawir so ankekelag iran ma- tá nen amá to: singa si ina to, saray matá to anka- báleg, andeket a lalon napapagket níray mapalet tan andukey a palatang to, maliket tan maligliga ra no mang- gagalaw; maerermen, aralem, tan singa ra mannonu- not no ag oniimis. Nen melag ni say buek ton kulet milublubayan ed kolor na balitok; say eleng to asim- simbang, aliwan magmautok tan aliwa met a kutep; say sungot to atawir tod ina to, melag a magrasia tan ka- imis to onabot ed nantopag ya aping; say baog to singa inkapinoy ukis na lasona tan singa poti kapes unong na panangibaga ray nalolokod sikaton kakanayon to ya say arumog da labat ya atawir tod Kápitan Tiago saray ankelag tan balibalin inkatabas iran layag to.
Si Tía Isabel ipapaakar toy inkamestisa nen María Clara ed nginew nen Donya Pía, ta nanunotan ton ma- betbet ton nanengneng nen melag ni eges to ya mantal- talimokor a mannangis ed arap nen San Antonio; ontan met so pakaisip na sakey nin kapinsan nen Kápitan
