Tiago, balet ta say kuanton anginginewan nen Donya
Pia say Virgen onó si San Miguel. Sakey a balitadon
pilósopo ya kapinsan nen Kápitan Tinong ya patlep toy
Amat aanapen toy makasengeg ed pakayari ray pla-
netas.
Si María Clara, pinablí amin a too, tan binmaleg a tinambayoy imis tan panangaro. Saray dilin papári masiadoy panangasikaso tan liket dad sikato ya amo- móyoten dan alokaloken no piliboten da ya kawesan day ampoti, ya nisaletsalet ed buek ton makapal tan kulet so rosas na sampaga tan azucena, akapeket ed beneg na ka- wes toy duaran ankelag iran payak a kolor na pilak tan balitok, tan benbenbenan toy duaran malapatin ampoti ya sininger na lason inanágan. Sakey ni, ugaw a masay- sayaksak, makaayayap so panagsalsalita to, kanian si Kápitan Tiago nanaambagel ed sikato, masiadoy pisa- salamat tod saray sasantos ed Obando, tan ibibilin tod amin a too ya maong so mansaliw na marakep iran talintao.
Diad saray kabansaan ed ampetang a klima say ugaw a bii, katatdang tod labintalo ono labinapat taon, onmarikit la, ya aliling toy rosas a kupit nid lábi et bi- glan akabuskag lay kabuasan. Nen asabi nen María Clara yan taon a napnoy maamoamot iran liknaan may kaisipan, tan ililiing na aro ed puso, inloob dad kolegioy Sta. Catalina, (2) ya unong ed bangat na kura ed Binondo, ta pian naawat tod saray mamadre so sakey a maptek tan madios a bangat. Mannangis a nanpatanir ed pári Dámaso tan diad alenleneg a kaaro tan kagalawgalaw tod inkaugaw to ya Crisóstomo Ibarra, ya ag abayag et pinmikal met yan inmarap ed Europa ya manaral. Dimad saman a kolegio, ya makapitalusan labat ed pa- way ed biek na doblin rijas a balatyang a manbanbantay ni nimet so Madre Escucha, (3) so nanayaman nen María Clara ya pitoy taon.-Si Don Rafael tan si Kapitan Tiago ta ag maamot ed sikaray inpankagustoay ának da, tan sikaran dildili et maalak met so linawa ra ed saman a kanunotan, a sakey tan sakey et walay lulutoen tod.
(1) Biblia ya insulat nen Torres Amat, arzobispo ed Tarragona (2) Sayan Colegio inletneg day papárin domininko nen taon ya 1696. (3) Say talos to Madre ya managdengel. Saya sikatoy managbantay ed saray Colegiala no walay sankaili ra tan sikato met so managsiim na amin á gagawaen da tan manderengel met lad tay tungtongan da.
