Asaksakbay ed saman a kabuasan so impimisa nen Tía Isabel tan si María Clara: saya akakawes na marakep tan mabmabli ya akabalíber ed taklay ton singa bilang kinon pulsiras so sakey a balsakan ya inanagan iray along to, tan si akulaw akasalming ta panbasa toy "Dalan A Maptek" kaleganay Misa.
Kasipot na pári ed altar maganat lan ompaway si marikit ed baleg a kelaw tan ingungot nen panginaen ya alutolutod linawa to warin masansantos tan marasal si kaanakan to ya singa bilang sakey a madre. Nguronguron inmalagey tan anguros si akulaw. "Ah! pirdonaen ak lay Dios ta mas so pikakabat tod puso ray mamarikit nen say pakaamta yo, Tía Isabel," kuan komoy inebat nen María Clara ta pian napaer lay pansisirmon nen akulaw ed sikato, anggaman tuá ta maínan panangibangat so sayan pansısırmon to.
Kayari almosal, si María Clara manggagaway sakey a bolsan sutla ya panpapalabasan toy oras tan say agto pakareen, si Tía Isabel mamapanis a lilinisan toray atilaktilaknin dutak a pakanengnengay linmabas a pista. Si Kápitan Tiago wala ray papawilen ton babasaen tan ousisaen a papipapil.
Kapag tanol a manlalapod lansangan, kapag luganan ya onlabas, nakigtot si marikit tan manpokal so
pagew to. Ah, maong la laingen komon no wala nid colegio ed diking day amimigas to, ta diman nayarian ton piarapan ya ag onggiwgiw tan ag nagagá! Mayapa balet, aliwa tan sikato ya may kaugawan mo, ya naynay mon kagalawgalaw a mankolkol kini no maminsan? Say makasengeg ed sarayan liknaan agko la iba
