kawalaanday sasantos. Saramay sankapinsan inian day elek, tan nangel ni nen Ibarra so tanol na pinto ya ikakapot.
Amespesiaw so lupa to tan mabetbetbet so kafilnawa to, si María Clara sankabenbenan toy pagew ton manpokal, a mantatalineng. Nangel to man a bosis samay bosis a pinabpabli to ya andukey lan agew a narerengel to labat ed kugip; tetepeten nen Crisóstomo no iner so kawalaan to. Diad gaway liket to inangoban to may talintaoy santos a sankasinggeran ed kawalaan to - si San Antonio Abad. Santon maliket ed bilay may talintao to, ya aliber a naynay na marakep a tokso! Insan nantakiling ed abot na pananumbokan ta pian nanengneng to tan nausisa ton maong so itsura to; wadman a manimimis a mantatakiling, tan nen nitanlay panginaen ton manawag ed sikato, diad inkanbios to agto amtay gagaween to tan nilakap toy akulaw ya inangoban to lan inangoban.
"Ambagel, antoy nagagawam?" kuay akulaw nen akasalita ya pinunasan toy akaterter iran luá ed akumanet laran mata to. Nababaingan si María Clara tan insanib toy matimtimpek a taklay to ed saray mata to.
"Gálala, ta manapiger ka," kuanen akulaw ed maararon bosis to. "Legan dan mantotungtong nen amam a nipaakar ed. . . . gálala, agmo panaalagaren."
Si marikit tinmonbok a matulotulok a singa ugaw, tan nantalak iran sanpanginaen ed silir to.
Mantotungtong a masaysayaksak si Kápitan Tiago tan si Ibarra nen ompaway si Tía Isabel a sankadawat tod liman midio guguyoren si kaanakan to, ya saya, ilingaylingay toray matá tod amin a pasen likod labat ed saramay wadman a totoo. . . . .
Anto kasi imbalikas na matá daran may duan katao, balikas na matá ya mas nagnap nen say salitan ompapaway ed bibil, balikas na kamarerua ta pian anggapoy narengel a makaderal ed layap na liknaan? Diad
(1) Sayan santu nanbilay a singa irmitanyo, nanayam ed sakey ya ungib ya andi tonda ton mandasal tan manpairap na laman to. Ag met tinondaay demonyo ya tinokso ya ibubuskag ed matá to tan nunot toray nanbabangil iran makaayayat a makapakasalanan, et agton balot tinalo. Manlapod diad inkánirbios nen Maria Clara et insabi nen Crisóstomo et inangaban to may talintaon sankasinggeran ed sikato ya nibanan talintao tonyan santo, kanian si Rizal inggalaw to met ya impasen yan sakey bilang a tokso.
