taka tan palíketen taka ya antomay kiratngan kon iter na tawen a kapalaran, tan manlapod sayan sambak et agkon balot nagbabawiyan, pasimbaloen ko diad sika natan. Panoy pakalingoan kod sika ey? Say pannodnunot kod sika agto ak lawas siníyanan, sikatoy angipaliis ed siak ed nambabangil a kaatapan ed daladalan, sikatoy ligliwak ed kabokbukoray kamareruak ed inkiakar kod arum iran bansá; sikato met so angilaban ed siak tan kinmanan sumpa ed mauges a pakayari loto (1) na Europa ya mabetbet ton napaandid kanunotan day dakel a kabansaan tayo so saray ilalo tan segsegang na Dálin dan nianakan. Diad kugip kora singa taka sankanengneng a manalalagey ed gilig na dayat ed Ibále ya akaarap ed arawin pasen ya anggaay nadampot na matá, ya singa ka aliktob na ompepelnak a liwaway palbangon lan atapew; singak dengdengelen so matantantan tan maerermen a kansion a manliliing na
singa naugip iran liknaan ko, tan mangipapanunot ed pusok na inmona ran taon na impanugaw ko, saramay likeliket ta, saramay panaggalaw ta, tan amin a linmabas a maliket a pinasayaksak mo nen wadman kanid baley tayo. Diad liknaan ko singa sikay inkantada, kamarerua, tan nantitiponan a tinooway amin a karakpan na Dálin kon nianakan, malimgas, mareen, maong a linawa, masimpit, ya unong na petepeteg ya anak na Pilipinas, sayan marakep a bansa ya angitipon ed kaabigay Inan España na maabig met iran ugáli na sakey a bansán wala nid kalangueran, ya singa aliling na impantitipon ed sikay amin ed sikay amin a karakpan tan kaabigan ya amarakep ed saray bibii ed sayaran duaran bansá; kanian nisesengeg ed saya say panangarok ed sika tan say arok ed dilin Dálin kon nianakan singa nantipkel a saksakey. . . . . Panoy pakalingoan kod sika ey? Mabetbetbet a singak sankarengel so tanol na pianom tan say masamsamit a bosis mon mangakanta. . . . . tan diad Alemania no ontan a manngangarem la tan manliliwagliwag ak ed katakelan a singa wadman iran kaibak so inkantada ran sasalitaen day omaanlong da, tan saray tagtagaumen day
(1) Tanaman ed Africa ya unong na pananisia ray omaanlong et nalinguanan day baley dan nianakan iray totoon makapangay bonga to.
