tan saray kanepegan mon susungpalen. Nepeg mon aralen so kakabatan na panagbilay ya ag niiter ed sikay dilin Dálin mon nianakan, ta piano naani et walay kikakanam ed sikato. No magnáyon kad diking ko, ya wala kad abay kon lanang, diad sayan nengneng na masegsegang a panagbilay a ginmalet lara ed panagnunot so pagpága tan takutakut, agmo naaralan ya iwandag iray matám; tan diad agew a kaandik, manmaliw kan singa samay tanaman a sasalitaen nen omaanlong tayon Baltazar: tinmobod danum, nalenes a tampol iray bulong to no ag nasalog, tan anggan magangganon kapetangan to masulosulok to lan kamagaan. -- Nengneng mo tan, balolakí kala lawari mannangis kani.' Niliknak iman a tetel tan impatuak so panangarok ed sika. Ag ira akasel di amák, nannunot ira, insan intapew day lima rad abalak tan inkuandad manggiwgiw a bosis: 'Inisip mo sirin bukor molambengat so amtam so mangaro, ya si amám et agto ka aaroen tan agto mairap so misiyan ed sika? Aganganó ni impatey nen inam; siak
mamapaarap ak lad katatkenan, panaon a pananap tanı pankaukolan lay sakdal tan panligliwa na kalangueran, et ontan man, akoen koy manbilay ed kabokbukoran ya agko amta no kasi ta nanengneng taka ni. Balet ta nakaukolan a nunoten koray ankabaleg a pamaakaran Say arapen ombubuskag ed sika, onkakapot ed siak; onggagapo ray panangarom, saray arok ompapatey lara, manliob so apuy ed dalam, say betel balet so singa onsusurob ed siak; insan ka onnangis ya agmo amtan ibagat so peles ya onkukorang ed arapen a makana ed sika tan say dilin Dálin mon nianakan.' Sinmalmay so lua di amák, intalimokor kod sali ra, nilakap ko ra ya kinmerew ak na pirdona tan inkuanko ya andí sunggay kon ompikal. . .."
Akatonday panbabása nen María Clara ta si Ibarra amespesiaw so lupa to tan inmalagey ya akarakar.
"Akin ka? Antoy agawam?" kuanton tinmepet nen María,
"Nisesengeg ed sika alingoanan koray susungpa len ko, alingoanan ko ya kanepegan koy ompikal natan
a tuloy ya onarap ed baley ko, ta nabuas pistay inatey!"
